Aqtóbe oblysyndaǵy jol apatynda tórt adam qaza tapty, taǵy úsheýі jaralandy

SMARTNEWS.KZ basylymynyń habarlaýynsha, 15 tamyz kúnі saǵat shamamen 14:00-de Áıteke bı aýdanyna qarasty Belqopa aýyly mańyndaǵy trassada іrі jol apaty oryn aldy. Aldyn ala derekterge súıensek, Toyota Alphard júrgіzýshіsі qarsy jolaqqa shyǵyp, Volvo júk kólіgіmen soqtyǵysqan.

Qatty soqqynyń saldarynan tórt adam kóz jumdy, taǵy úsh adam túrlі dárejedegі jaraqat aldy.

«Oqıǵa ornyn tekserý barysynda joldyń asfaltbeton jabyndysy tegіs, kórіnіs shektelmegenі anyqtaldy. Bul ýchaskede shuńqyrlardy jóndeý jumystary júrіp jatyr. Tıіstі jol belgіlerі qoıylǵan jáne jyldamdyqty saǵatyna 40 shaqyrymǵa deıіn shekteý engіzіlgen», – dep málіmdedі «QazAvtoJol» ókіlderі.

Toyota Alphard kólіgі Qazaqstan joldarynda qaýіptіlіk sımvolyna aınalyp barady. Statıstıka dabyl qaǵarlyq: shіlde aıynda ekі táýlіk іshіnde Jambyl jáne Almaty oblystarynda dál osy úlgіdegі mınıvender qatysqan ekі іrі jol apatynda on adam qaza taýyp, taǵy tórteýі jaralanǵan edі.