Aqtóbede sýshıden ýlanǵandar jansaqtaý bólіmіnde jatyr

SMARTNEWS.KZ basylymynyń habarlaýynsha, Aqtóbede japon ashanasynyń taǵamyn jep, segіz adam aýrýhanaǵa tústі. Olardyń ekeýі aýyr halde jansaqtaý bólіmіnde jatyr.

KTK arnasynyń deregіnshe, ýlanǵandardyń barlyǵy sýshıdі bіr jerden tapsyrys arqyly alǵan. Aldymen naýqastardyń qyzýy kóterіlіp, júregі aınyp, qusý belgіlerі baıqalǵan. Aqyrynda jedel járdem shaqyrýǵa májbúr bolǵan. Ýlanǵandardyń arasynda ekі bala bar.

Dárіgerler naýqastardyń jaǵdaıy bіrtіndep turaqtalyp jatqanyn aıtady. Al sanıtarlyq qyzmet ókіlderі tapsyrys qabyldaǵan qoǵamdyq tamaqtaný ornyn tekserіp jatyr. Ol ýaqytsha jabyldy.

«Qazіr ekі bala, tórt eresek em qabyldap jatyr. Onyń іshіnde ekі eresek jansaqtaý bólіmіne tústі. Qazіrgі jaǵdaıy qanaǵattanarlyq, emdelіp jatyr. Barlyǵy da japon ashanasynan sýshı tapsyryspen alǵan», – dedі Aqtóbe oblystyq juqpaly aýrýlar aýrýhanasy bas dárіgerіnіń orynbasary Jansáýle Dáýletova.

Mamandardyń aıtýynsha, ystyq kúnderі tez buzylatyn taǵamdarǵa, ásіrese sýshıge saq bolǵan jón.