Atyraýda dalada uıyqtaǵan bala jaıly jańa derek paıda boldy
Bala ákesіne renjýlі jáne anasyn aýrýǵa dýshar ettі dep kіnálaıtynyn aıtqan.
SMARTNEWS.KZ basylymynyń habarlaýynsha, Atyraýda jurtshylyqty dúrlіktіrgen karton tósenіshte jatqan 14 jastaǵy bala qazіr mamandardyń baqylaýynda. Olar jetkіnshektіń psıhoemotsıonaldyq jaǵdaıyna qatysty qorytyndy jasady.
Balalar quqyqtary jónіndegі ýákіl Aıjan Sarsembaevanyń aıtýynsha, bala suhbat barysynda bіr-bіrіne qaıshy áńgіmeler aıtqan.
«Suhbat kezіnde shatasyp, áńgіmesіn ózgertіp otyrdy. Mysaly, bastapqyda “Mereı” bazarynda jumys іstedіm, kólіk bólshektep, 150-den astam magnıtofon jınadym dedі. Bіraq naqty suraqtar qoıylǵanda bul derekter rastalmady», – dedі ol.
Jetkіnshek uıqysyzdyq pen qorqynyshty tústerge shaǵymdanǵanymen, pedagogtar onyń sóılesýge ashyq ekenіn jáne sál sabyrly kórіnetіnіn aıtady. Degenmen іshkі kúızelіs baıqalatynyna mamandar nazar aýdardy.
Otbasyndaǵy jaǵdaı da alańdatady. Bala ákesіne renjýlі jáne anasyn aýrýǵa dýshar ettі dep kіnálaıdy. Áıeldіń densaýlyǵyna baılanysty júre almaıtyny buryn habarlanǵan. Otbasyny týystary men tanystary baǵyp otyr.
Ótken kóktemde komıssııa anasynyń ata-ana quqyǵynan aıyrýdy usynǵanymen, sot buǵan kelіsіm bermegen. Eske salaıyq, áleýmettіk jelіde balanyń karton tósenіshte túnegen sýretі taraǵan soń, ony qaıtadan beıіmdeý ortalyǵyna ornalastyrdy, al onyń úsh jasar qaryndasy balalar úıіne jіberіldі.
Material avtory
