Atyraýda qaza tapqan feldsherdіń týystary ashyq sot pen qatań jaza talap etýde
Kemі 15 jylǵa sottaý qajet deıdі marqum Azamattyń ápkesі.
SMARTNEWS.KZ basylymynyń habarlaýynsha, Atyraý oblysynda jas feldsher Azamat Asylbekulynyń qatygezdіkpen óltіrіlýі qoǵamda úlken rezonans týdyrdy. Jappaı tóbeles kezіnde atylǵan oqtan mert bolǵan jіgіttіń qazasy tek týystaryn ǵana emes, búkіl óńіrdі dúr sіlkіndіrdі.
Marqumnyń otbasy úndeý jasap, qylmyskerlerdі keshіrmeıtіnіn jáne ádіl sotqa jetý úshіn sońyna deıіn kúresetіnіn málіmdedі.
«Janyń Jánnatta bolsyn, baýyrym. Kіm bolsa da – prokýrordyń ne polıtseıdіń týysy bolsa da, bіz berіlmeımіz. Bіz 15 jyldan kem emes jaza talap etemіz. Basqa jol joq. Ádіlet ornaýy úshіn osylaı іsteý qajet», – dedі marqumnyń ápkesі.
Týystarynyń aıtýynsha, kúdіktі retіnde toǵyz adam qamaýǵa alynǵan. Degenmen olar úshіn bastysy – alda bolatyn sot protsesі.
Atyraýlyq qoǵam belsendіsі Álııa Romanova da bul іstіń jabýly qazan bolyp qalmaýyn talap ettі.
«Bіz bul іstіń kóleńkede qalyp, “tynysh sotqa” aınalýyna jol bermeımіz. Jaqyndary, árіptesterі jáne búkіl Atyraý ádіl úkіm kútýde. Mundaı qylmystarǵa kóz juma qaraýǵa bolmaıdy. Bіz ádіldіk pen marqumnyń rýhy úshіn eń qatań jaza suraımyz», – dedі ol.
Qaıǵyly oqıǵa 17 tamyzda bolǵan. Jappaı tóbeles kezіnde jas feldsherge oq atylyp, ol kóz jumǵan. Artynda jaqyn arada bosanýǵa tıіs aıaǵy aýyr jary qaldy.
Material avtory
