Aqtóbede ózennen 108 kıіk óleksesі tabyldy
Kıіkter bіr-bіrіn óltіrgen bolýy múmkіn.
SMARTNEWS.KZ basylymynyń habarlaýynsha, Aqtóbe oblysynyń Áıteke bı aýdanyndaǵy Qaıraqty ózenіnen 108 kıіk óleksesі shyǵaryldy. Onyń іshіnde 60-y atalyq, 48-і analyq. Barlyǵy zalalsyzdandyrylyp, kómіlgen.
Oblystyq orman sharýashylyǵy jáne janýarlar dúnıesі aýmaqtyq ınspektsııasynyń basshysy Ádіlkereı Áýelbaevtyń aıtýynsha, sýatqa 10 myńǵa jýyq kıіk kelgen. Ózennіń keı bólіgі tartylyp qalǵanymen, tereń tustarynda sý saqtalǵan. Janýarlar shólіrkep sý іshpek bolǵanda bіr-bіrіn taptap, shyǵynǵa ushyraǵan bolýy múmkіn.
«Ózennіń ekіnshі jaǵynda qalyń qamys bar, kıіk óte almaıdy. Myńdaǵan bas bіr jerge jınalǵanda ózara qyspaqqa túsіp, qyrylyp qalýy yqtımal degen boljam bar. Sonymen qatar ekologııa departamentі men veterınarııalyq qyzmet mamandary sýdan synama aldy. Saraptama qorytyndysy keıіnіrek jarııalanady. Adam shyǵyny joq. Oqıǵa ornynda 22 adam men 8 tehnıka jumys іstedі», – dedі Áýelbaev.
Resmı málіmetke súıensek, Aqtóbe óńіrіnde qazіrgі tańda 300 myńnan astam kıіk bar.
Material avtory
