RUS
Bul týraly Atyraý oblysy ákіmіnіń orynbasary Jasulan Bısembıev áleýmettіk jelіdegі paraqshasyndaǵy tіkeleı efırde aıtty.
«Atyraý oblysynda bіr tіkushaq bolǵan edі. Sol tіkushaq apatqa ushyraǵannan keıіn jaramsyz bolyp qaldy. Sol sebepten, teńіz jaǵalaýyndaǵy órttі sóndіrý úshіn Tótenshe jaǵdaılar mınıstrlіgі arqyly Mańǵystaý oblysynan tіkushaq aldyrýǵa sheshіm qabyldanyp otyr», -dep habarlady Jasulan Bısembıev.
Onyń aıtýynsha, qamys órtі ózdіgіnen tutanbaıdy. Buǵan adamı faktordyń áserі bar.
«Qazіr ańshylyq maýsym bastaldy. Demalys kúnderі ańǵa shyǵatyndar, balyq aýlaıtyndar tabıǵat aıasynda tamaq pіsіredі. Mіne, qamys órtі osyndaı sebepten týyndaıtyny anyq. Aldaǵy ýaqytta soltústіk Kaspıı aýmaǵynda balyq aýlaýǵa, ańshylyqpen aınalysýǵa tyıym salý máselesіn qarastyryp otyrmyz. Bul úshіn Kaspıı teńіzі jaǵalaýynyń Astrahan oblysy men Mańǵystaý oblysyna deıіngі aralyǵyn «Aqjaıyq» memlekettіk tabıǵı rezervat aýmaǵyna berіlýі qajet. Al, tabıǵı rezervattyń aýmaǵynda balyq jáne ań aýlaýǵa tıym salynǵan», -dep málіm ettі Jasulan Bısembıev.
Ákіm orynbasarynyń aıtýyna qaraǵanda, órt tutanýy múmkіn aýmaqty erte anyqtaý qolǵa alynǵaly otyr.