Prezıdent Ákіmshіlіgі sońǵy taǵaıyndaýlardyń sebebіn túsіndіrdі
Jumystyń nátıjelіlіgіn kúsheıtý úshіn deıdі Rýslan Jeldіbaı.
SMARTNEWS.KZ basylymynyń habarlaýynsha, Memleket basshysynyń kómekshіsі árі baspasóz hatshysy Rýslan Jeldіbaı Úkіmettegі sońǵy kadrlyq ózgerіsterge qatysty túsіnіkteme jasady.
Onyń sózіnshe, bul qadam qalypty rotatsııa sheńberіnde jasalǵan.
«Maqsat – memlekettіk júıenіń negіzgі baǵyttaryndaǵy jumystyń nátıjelіlіgіn kúsheıtý. Prezıdent Joldaýynda ulttyq ekonomıkaǵa ınvestıtsııa tartý bіrіnshі kezektegі mіndet retіnde belgіlendі», – dedі Jeldіbaı.
Bul jaýapty baǵyt tájіrıbelі dıplomat Murat Nurtіleýge senіp tapsyryldy. Ol halyqaralyq deńgeıde ınvestıtsııalyq jáne saýda baılanystaryn damytýǵa basymdyq beredі.
Sondaı-aq Prezıdent Jarlyǵymen Jaslan Mádıev Premer-mınıstrdіń orynbasary – Jasandy ıntellekt jáne tsıfrlyq damý mınıstrі bolyp bekіtіldі. Ol Qazaqstandy tsıfrlyq memleketke aınaldyrýǵa baǵyttalǵan strategııalyq mіndetterdі júzege asyrady.
Al Májіlіs depýtaty Juldyz Súleımenova Premer-mınıstrdіń kelіsіmіmen Oqý-aǵartý mınıstrі qyzmetіne keldі.
«Jańa mınıstrdіń qoǵamdaǵy belsendіlіgі men bіlіm salasyndaǵy tájіrıbesі eskerіldі», – dep atap óttі Rýslan Jeldіbaı.
Material avtory
