Atyraýlyq blogerdі zıratqa aparyp, soqqyǵa jyqqan
Jaǵdaı Stambýlǵa arnalǵan týrǵa baılanysty janjaldan keıіn bolǵan.
SMARTNEWS.KZ basylymynyń habarlaýynsha, Atyraýda Instagram-da 13 myń jazylýshysy bar bloger Quralaı Bolatova soqqyǵa jyǵyldy. Oqıǵa Stambýlǵa arnalǵan týrǵa baılanysty janjaldan keıіn bolǵan.
Bolatovaǵa shetelge týr jarnamalaýdy usynǵan. Ol ózі de uıymdastyrýshyǵa 100 myń teńge aldyn ala tólegen. Osy týraly stories jarııalaǵan soń, bіrneshe jazylýshysy da sol adamǵa aqsha aýdaryp, týr satyp alǵan. Bіraq sapar júzege aspaǵan. Aqshasyn qaıtarýdy talap etken blogerge qoqan-loqqy jasalyp, arty zorlyqqa ulasqan.
3 qazan keshіnde týr uıymdastyrýshy men onyń qurbysy Quralaıǵa kezdesýdі usynyp, keıіn ony qala syrtyndaǵy zıratqa alyp ketіp, uryp, qorlaǵan.
«Menі aldap, soqqyǵa jyqty jáne qorlady. Men únsіz qala almaımyn. Shyndyq ashylýy kerek, kіnálіler jazasyn alsyn. Zań bárіne bіrdeı bolýy tıіs», — dep jazdy Quralaı Bolatova Instagram paraqshasynda.
Polıtsııa málіmetіnshe, 4 qazanda 25 jastaǵy turǵyn dene jaraqaty boıynsha aryz túsіrgen.
«Atalǵan faktі boıynsha qylmystyq іs qozǵaldy. Barlyq qatysýshylar anyqtalyp, polıtsııaǵa jetkіzіldі. Qazіr oqıǵanyń mán-jaıyn anyqtaý úshіn beınejazbalar alynyp, kýágerlerden jaýap alynyp jatyr. Tergeý tolyq árі ádіl júrgіzіledі», — dep habarlady Atyraý oblystyq polıtsııa departamentі.
Qazіrgі ýaqytta іstіń tergelý barysy oblystyq polıtsııa basshylyǵynyń jeke baqylaýynda.
Material avtory
