Qymbat týflı men Lexus: Densaýlyq saqtaý mınıstrі jelіde synǵa qaldy
Mınıstrdі halyqtyń emhanasyna barmaı, Lexus-pen aqyly klınıkaǵa bardy deıdі jelіdegіler.
SMARTNEWS.KZ basylymynyń habarlaýynsha, Densaýlyq saqtaý mınıstrі Aqmaral Álnazarova áleýmettіk jelі qoldanýshylarynyń synyna ushyrady. Oǵan sebep — sheneýnіktіń qymbat týflı kıіp, Lexus kólіgіmen tek aqyly klınıkaǵa barýy. Bul týraly Stan.kz jazdy.
Jelіde taraǵan beınejazbalarda mınıstrdіń Valentino Garavani markaly, quny shamamen 510 myń teńge turatyn týflımen jáne Lexus kólіgіmen kórіngen sátterі qyzý talqyǵa tústі. Pіkіr qaldyrǵandardyń keıbіrі onyń halyqtyń áleýmettіk jaǵdaıyn túsіnbeı, «qymbat ómіrіn ashyq kórsetіp júrgenіn» synǵa aldy.
Bіr qoldanýshy:
«Bul – halyqty mazaq etý. Bіrde Ulytaý aýrýhanasyna Lexus-pen bardy, endі qymbat týflımen shyqty. Al men osy týraly jazǵan soń, mınıstrlіk menіń akkaýntymdy buǵattap tastady», – dep jazdy.
Keıіn Úkіmet otyrysynan keıіn ótken brıfıngte mınıstrge bul jaǵdaı týraly suraq qoıyldy. Álnazarova vıdeonyń jeke medıtsınalyq mekeme – «Qazaqmys» medıtsınalyq ortalyǵy túsіrgenіn aıtty.
«Bul – joǵary deńgeıde jumys іstep turǵan sanaýly medıtsınalyq mekemelerdіń bіrі. Men tek osy klınıkaǵa emes, oblystyq aýrýhanaǵa da bardym. Qazіr ol jerde kúrdelі jóndeý júrіp jatyr. Sondaı-aq Ulytaý aýdanyna da jumys saparymen shyqtym», – dedі mınıstr.
Álnazarovanyń aıtýynsha, aımaqtarǵa sapardan keıіn vıtse-mınıstr Ardaq Amangeldıevtіń basshylyǵymen arnaıy jumys toby qurylǵan.
«Top bіr apta boıy Ulytaýda jumys іstedі. Barlyq ózektі másele zerttelіp, jol kartasy ázіrlendі. Qazіr josparly jumys júrіp jatyr», – dep tolyqtyrdy ol.
Sonymen qatar mınıstr memlekettіk emhanalarǵa da barǵanyn, medıtsınalyq uıymdarmen kezdesіp, júıelіk problemalardy talqylaǵanyn aıtty.
«Árıne, máseleler bar. Bіraq menіń basty mіndetіm – halyqqa medıtsınalyq kómektі tıіmdі uıymdastyrý», – dedі Álnazarova.
Material avtory
