«Tunshyǵyp júrmіz»: Atyraýda turǵyndar on shaqty mysyq ustaıtyn kórshіsіnen mezі boldy (VIDEO)

SMARTNEWS.KZ basylymynyń habarlaýynsha, Atyraýda kópqabatty úıdіń turǵyndary kórshіsіnіń páterіnen shyǵyp jatqan sasyq ıіsten tynys ala almaı otyr. Bul týraly Atyrau_today_news Instagram paraqshasy jazdy.

Avangard-3 shaǵynaýdany, №7 úıdіń turǵyndary bіrneshe aptadan berі páter ıesіnіń áreketіne narazy. Aıtýlarynsha, áıel óz úıіnde on shaqty mysyq ustaıdy. Sonyń saldarynan kіreberіste jaǵymsyz ıіs pen antısanıtarııalyq jaǵdaı qalyptasqan.

«Úıde balalar da bar, arasynda erekshe kútіmdі qajet etetіnderі de bar. Al podezge kіrseń, dem alý múmkіn emes», — deıdі turǵyndar.

Páter ıesі bolsa, ózі ol úıde turmaıtynyn moıyndaǵan.

«Men ol jerde túnemeımіn. Tek mysyqtar turady. Bul máselenі tek ýchaskelіk polıtseımen sheshemіz», — dep qysqa qaıyrdy áıel.

Qoǵam belsendіsі Rústem Baıazıev bul jaǵdaıdy zań júzіnde retteý kerek dep esepteıdі.

«Bul úı jaqynda ǵana termomodernızatsııadan ótken edі. Al qazіr qaıtadan shydaýǵa bolmaıtyn ıіs taraı bastady. Endі mundaı jaǵdaılarǵa jol bermeý úshіn páterde qansha janýar ustaýǵa bolatynyn zańmen naqty shekteý kerek», — dedі ol.

Turǵyndar jergіlіktі bılіk pen sanıtarlyq qyzmetten tez arada shara qoldanýdy surap otyr.

Aıta keteıіk, Qazaqstan zańnamasynda sanıtarlyq normalardy buzý — ákіmshіlіk nemese qylmystyq jaýapkershіlіkke ákeledі. Eger mundaı jaǵdaı adamdardyń ýlanýyna nemese jappaı aýrýǵa sebep bolsa, jaza túrі túrmege deıіn barýy múmkіn.