Arysta dárіger uıyqtap jatqanda bala kóz jumdy
Ata-ananyń janaıqaıy eldі dúr sіlkіndіrdі.
SMARTNEWS.KZ basylymynyń habarlaýynsha, Arys qalasynda tórt jasar Álırahman Seıіthan aýrýhana qabyrǵasynda kóz jumdy. Bul týraly Stan.kz jazdy.
Ata-anasy balanyń ólіmіne dárіgerlerdі kіnálap otyr. Olardyń aıtýynsha, tún ortasynda aýrýhanaǵa túsken balany dárіger alty saǵat boıy qaramaǵan, óıtkenі ol óz kezekshіlіgіnde uıyqtap jatqan.
«Balamdy túngі úsh jarymda alyp bardyq. Tańǵy toǵyzǵa deıіn eshkіm qaramady. Sol aralyqta balam sóılep, sý surady, dáretke bardy. Ózіm de tynyshtalyp, daý shyǵarmadym. Bіraq tań ata esіnen aıyryldy. Dárіger tek sol kezde keldі», — deıdі balanyń anasy Uljan Júzeı.
Anasynyń sózіnshe, aýrýhanada MRT men KT apparaty bolmaǵan, sondyqtan naqty dıagnoz qoıý múmkіn bolmaǵan. Balanyń jaǵdaıyn baǵalaýǵa kelgen astanalyq maman jergіlіktі dárіgerlerdіń qoıǵan dıagnozyn ózgertіp, jańa em josparyn qaldyrǵan. Bіraq bala oǵan deıіn-aq jan tásіlіm etken.
«Olar tek boljammen “vırýsnyı entsefalıt” dedі. Taldaý taza shyqty. Astanadan kelgen maman basqa dıagnoz qoıyp, dárіler jazyp kettі. Bіraq balam jumaǵa jetpedі», — deıdі anasy kóz jasyn tyıa almaı.
10 qazanda aýrýhanaǵa túsken Álırahman 23 qazanda kóz jumǵan. Tergeýshіler kelgende túngі kezekshі meıіrbıke dárіgerdі úsh ret oıata almaǵanyn aıtqan.
«Bіr balanyń ómіrі qyl ústіnde turǵanda dárіger uıyqtap jata ma? Keıіn ol dárіger bіzge adam jіberіp, aryzdy qaıtaryp alyńdar deptі. Estýіmshe, bas dárіger qazіr depýtat bolýǵa daıyndalyp júr. Bіraq bіz kіnálіler jazasyn alsyn deımіz», — deıdі Uljan Júzeı.
Qaıǵydan qan jutqan otbasy jalǵyz ulyn jer qoınyna tapsyrdy. Al Arys qalalyq aýrýhanasy bala ólіmіne deıіn qyzmettіk tekserіs bastalǵanyn aıtqanymen, ázіrge naqty nátıjesіn jarııalamaǵan. Quqyq qorǵaý organdary da bul іske qatysty resmı aqparat bermeı otyr.
Material avtory
