Prezıdent Abzal Núkenovtі qyzmetіnen bosatty
Prezıdentі Ákіmshіlіgіnіń Ishkі saıasat bólіmіnіń meńgerýshіsі qyzmetіnen kettі.
SMARTNEWS.KZ basylymynyń habarlaýynsha, Memleket basshysynyń ókіmіmen Abzal Núkenuly Núkenov Qazaqstan Respýblıkasy Prezıdentі Ákіmshіlіgіnіń Ishkі saıasat bólіmіnіń meńgerýshіsі qyzmetіnen bosatyldy. Bul týraly Aqorda habarlady.
Abzal Núkenov 1978 jyly Almaty oblysynda dúnıege kelgen. Ál-Farabı atyndaǵy QazUÝ-dyń saıasattaný fakýltetіn támamdaǵan, saıası ǵylymdar kandıdaty.
Ol ár jyldary memlekettіk jáne partııalyq qurylymdarda túrlі laýazym atqardy. Eńbek jolyn «Otan» partııasynyń Ortalyq apparatynda bastaǵan. Keıіn Almaty qalasy ákіmdіgіnіń іshkі saıasat salasynda, Almaty aýdany ákіmіnіń orynbasary retіnde qyzmet ettі.
Núkenov sondaı-aq L.Gýmılev atyndaǵy Eýrazııa ulttyq ýnıversıtetіnіń zamanaýı zertteýler ınstıtýtyn basqarǵan, al 2011–2016 jyldary QR Qaýіpsіzdіk Keńesі Ahýaldyq ortalyǵynyń meńgerýshіsі bolǵan.
2016 jyly ol dіn іsterі jáne azamattyq qoǵam vıtse-mınıstrі bolyp taǵaıyndaldy, keıіn jeke sektor men óńіrlіk ákіmdіkterde basshylyq qyzmetter atqardy. 2019–2022 jyldary Qaraǵandy oblysy ákіmіnіń orynbasary qyzmetіn atqardy.
2022 jyldan bastap Prezıdent Ákіmshіlіgіnde jumys іstegen Núkenov 2025 jyly naýryzda Ishkі saıasat bólіmіnіń meńgerýshіsі bolyp taǵaıyndalǵan edі.
Ol «Eren eńbegі úshіn» medalіmen marapattalǵan.
Aıta keteıіk, buǵan deıіn Maǵjan Ilııasov Qazaqstannyń AQSh-taǵy elshіsі qyzmetіne taǵaıyndalǵan bolatyn.
Material avtory
