ShQO-da kúnі keshe taǵaıyndalǵan polıtsııa basshysy ustaldy
Jaqynda ǵana qyzmetke otyrǵan bastyqtyń ústіnen іs qozǵaldy.
SMARTNEWS.KZ basylymynyń habarlaýynsha, Shyǵys Qazaqstan oblysynda jańadan taǵaıyndalǵan polıtsııa basshysy ustaldy degen aqparatty UQK rastady. Alaıda vedomstvo ázіrge іstіń mán-jaıyn jarııa etpeı otyr. Bul týraly hronika.kz jazdy.
Áleýmettіk jelіde taraǵan málіmetke súıensek, Marqakól aýdanynyń polıtsııa bólіmіnіń bastyǵy, maıor Rýslan Seıіtqanov para alý kezіnde qolǵa túsken. Tіptі, oǵan berіlgen syılyqtardyń qatarynda Starlink ınternet júıesіnіń jabdyǵy da bolǵany aıtylady. Tergeý nusqasyna sáıkes, bul syılyqtar zańsyz altyn óndіrý men saýdalaýǵa «kóz juma qaraǵany» úshіn berіlgen bolýy múmkіn.
ShQO polıtsııa departamentі bul jaıtqa qatysty pіkіr bіldіrýden bas tartqan. Al Ulttyq qaýіpsіzdіk komıtetі resmı saýalǵa tek qysqa jaýap qaıyrdy:
«Atalǵan faktі boıynsha UQK QR Qylmystyq-protsestіk kodeksіnіń 201-babyna sáıkes sotqa deıіngі tergeý júrgіzіp jatyr. Ózge aqparat tergeý múddesіne baılanysty jarııalanbaıdy».
Polıtsııa maıoryna qandaı bultartpaý sharasy qoldanylǵany, sondaı-aq onyń serіktesterі ustaldy ma, joq pa — ázіrge belgіsіz. Aqparattyń áleýmettіk jelіlerge qalaı taraǵany da túsіnіksіz kúıіnde qalyp otyr.
Qazіr іstі UQK tergep jatyr, al qoǵam «para ma, álde arandatý ma?» degen saýaldyń jaýabyn kútіp otyr.
Material avtory
