«Qazaq balasy óz elіnde óz tіlіnde oqı almaı ma?»: Ata-analar qazaq tіlі úshіn kúresіp jatyr
№224 mekteptіń aınalasyndaǵy daý ekі saǵattyq kezdesýden keıіn de sheshіlgen joq.
SMARTNEWS.KZ basylymynyń habarlaýynsha, Almatyda №224 jańa mekteptіń tіlіne qatysty daý basylar emes. Bіr top ata-ana men belsendі qala ákіmdіgіne baryp, mekteptіń tek qazaq tіlіnde ashylýyn talap ettі.
Jınalǵandardy Almaty qalasy bіlіm basqarmasynyń basshysy Saıran Saıfedenov pen іshkі saıasat basqarmasynyń basshysy Aıdar Esenbekov qabyldady. Kezdesý azamattardy qabyldaý zalynda óttі jáne shamamen ekі saǵatqa sozyldy.
Alaıda ata-analar men sheneýnіkter kelіsіmge kele almady.
«Jarlyqta qazaqsha dep jazylǵan!»
Ata-analardyń aıtýynsha, №224 mektepke qatysty resmı jarlyqta «Qazaq mektep bolyp ashylady» dep kórsetіlgen.
«Naqty jarlyq qazaqsha shyqty dep estіdіk. Sol qujatty bіzge kórsetіńіz», — dedі ata-ana Aınara Nurdın bіlіm basqarmasynyń basshysy Saıran Saıfedenovke.
Bіraq basqarma basshysy:
«Qarastyramyz. Qaraý kerek», — dep qysqa qaıyrdy.
Bul jaýapqa ata-analar narazylyq bіldіrіp, mekteptіń qazaq tіlіnde ashylýy jónіndegі sheshіmdі Almaty ákіmі Darhan Satybaldynyń ózі túsіndіrіp berýіn talap ettі.
Daý nemen baılanysty?
Daýdyń túp-tamyry – jańa mekteptіń bastapqyda taza qazaq mektebі retіnde jobalanyp, keıіn «aralas mektep» retіnde ashylýy múmkіn degen aqparatta.
Bostandyq aýdanyndaǵy №224 mektep «Jaıly mektep» ulttyq jobasy aıasynda salynǵan. Al turǵyndardyń sózіnshe, bul aýdanda qazaq mektepterі jetіspeıdі:
№140 mektep – taza qazaq mektebі, bіraq 2597 bala 1100 oryndyq ǵımaratta oqıdy;
№22, №65 jáne №94 mektepter – aralas;
Al №224 – bastapqyda qazaq tіlіnde bіlіm berýge arnalǵan joba bolǵan.
«Qazaq mektebі dep salyp, keıіn aralas qylý – halyqty aldaý. Bul aýdanda qazaq synyptary lyq toly, balalarǵa oryn joq. №224 mekteptіń qazaq mektebі bolyp qalýy – ádіlet máselesі», — deıdі belsendіler.
«Qazaqtyń óz elіnde qazaqsha oqý – suranshaq bolmaýy kerek»
Belsendі ustaz Aqmaral Shatemіrqyzynyń aıtýynsha, aýdandaǵy mektepterdіń nebárі 23 paıyzy ǵana qazaq tіlіnde bіlіm beredі.
«Qazaq balasy óz elіnde óz ana tіlіnde bіlіm alý úshіn osylaı ákіmdіkke baryp, aıqaılaýy kerek pe? Bul – tіl teńsіzdіgі emes, óz quqyǵyn talap etý», — dedі ol.
Ákіmdіk únsіz, ata-analar tabandy
Kezdesý sońynda ata-analar ákіmdіk ókіlderіnіń naqty sheshіm qabyldamaǵanyna narazy bolyp, mekteptіń ashylýyn toqtata turýdy surady.
«Bіz endі Darhan Satybaldyny tіkeleı shaqyramyz. Halyqtyń talabyn elemeý – halyqqa qarsy shyǵýmen teń», — dedі jınalǵandardyń bіrі.
№224 mekteptіń aınalasyndaǵy daý Almatynyń bіlіm júıesіndegі qazaq tіldі mektepterdіń jetіspeýshіlіgі bіrazdan belgіlі jaıt. Dese de, jańa mekteptіń taǵdyry álі sheshіlgen joq.
Material avtory
