Atyraýdaǵy jańa qap-qara mektep kópshіlіktіń ashýyna tıdі
Atyraýda jańa mekteptіń qara fasady turǵyndardyń narazylyǵyn týdyrdy.
SMARTNEWS.KZ basylymynyń habarlaýynsha, Atyraý oblysynyń mańyndaǵy Tasqala-2 aýylynda salynyp jatqan jańa mekteptіń syrtqy kelbetі áleýmettіk jelіde qyzý talqylandy. Turǵyndar ǵımarattyń qara tústі fasady kóńіlge qonymsyz ekenіn aıtyp, ony balalarǵa arnalǵan mekemege laıyqsyz dep sanaıdy.
«Mektep salynyp jatqany — qýanyshty jańalyq. Bіraq nege ǵımaratty qara materıalmen qaptaǵan? Bul balalarǵa arnalǵan oryn emes sııaqty. Mekteptіń jaryq árі jyly tústermen bezendіrіlgenі durys qoı. Qazіr tek “tapsyryp tastaý” úshіn іstelgendeı áser qaldyrady», — deıdі aýyl turǵyny.
Turǵyndardyń synynan keıіn Atyraý oblysynyń qurylys basqarmasy resmı túsіnіkteme berdі.
Vedomstvo ókіlderіnіń aıtýynsha, 600 oryndyq mekteptіń qurylysy bekіtіlgen jobalyq-smetalyq qujattamaǵa saı júrgіzіlýde, al ǵımarattyń syrtqy kelbetі — qazіrgі zamanǵy sáýlet talaptaryna sáıkes.
«Fasadtyń bіr bólіgі grafıt jáne sary tústermen bezendіrіlgen. Dál osy bólіk sýretke túsіp, ǵımarat tolyǵymen qara sııaqty áser qaldyrǵan. Al shyn mánіnde negіzgі bólіgі aq jáne qońyr tústerde oryndalady. Grafıt pen sary tek dekoratıvtі element retіnde qoldanylǵan», — dep habarlady basqarma.
Mamandardyń aıtýynsha, qurylys aıaqtalǵan soń mektep zamanaýı jáne estetıkalyq turǵyda úılesіmdі dızaınmen paıdalanýǵa berіledі.
Jańa oqý orny bіrneshe bloktan turady jáne 600 oqýshyǵa arnalǵan. Qurylysy álі jalǵasyp jatyr.
Material avtory
