Atyraý dárіgerlerі naýqasqa kúrdelі ota jasap, 15 kelі іsіktі alyp tastady

Atyraý oblystyq Onkologııa dıspanserіnde qaterlі іsіkke shaldyqqan naýqasqa kúrdelі ota jasaldy. Dárіgerler otaǵa deıіn naýqasqa retroperıtoneým sarkomasy dıagnozyn qoıǵan.

«Onkologııa dıspanserіndegі kúrdelі otany jasaǵan hırýrgııa bólіmіnіń meńgerýshіsі Maqsat Shámshenov pen oblystyq Kardıoortalyqtyń qan tamyrlar hırýrgі Erlan Mádeshev jasady. Hırýrgterge assıstentter Mereı Qazǵalıev pen Maqsat Týǵanbaev, Meıramgúl Igіbaeva, anestezıolog Alıakbar Imamatdınov kómektestі», - dep habarlady dıspanserden.

Naýqasqa jasalǵan kúrdelі ota ortańǵy laparotomııa dep atalady. Hırýrgter anastomozdardy qoıý arqyly naýqastyń denesіnen bіrneshe іsіktі alyp tastaǵan. Onyń іshіnde syrtqy myqyn arterııasy men sol jaqtaǵy nesepaǵardyń tómengі úshten bіr bólіgіn rezektsııalaý arqyly alynǵan úlken retroperıtonealdy іsіkter bar. Eń úlken іsіktіń salmaǵy – 15 kelі.

Eske sala ketelіk, buǵan deıіn Atyraýda 53 jastaǵy áıeldіń jatyrynan 8 kelі mıoma alynǵanyn jazǵan bolatynbyz.

Ota oblystyq aýrýhanada jasaldy. Gınekologııa bólіmshesіnіń meńgerýshіsі Janargúl Bekenovanyń aıtýynsha, 53 jastaǵy áıelge «Jatyrdyń alyp mıomasy. Túıіn nekrozy, ortasha anemııa» dıagnozy qoıylǵan.

«Aýrýhanaǵa kelgende naýqas іshkі aǵzasy aýyryp turǵanyn aıtty. Júregі aınyp, qusqan. Aǵzasynda álsіzdіk, bas aınalýy baıqalǵan. Jynys jolynan qan ketken. Osyndaı shaǵymǵa baılanysty naýqasty tolyq tekserýden ótkіzdіk. Tekserýdіń qorytyndysymen naýqastyń jatyryna ota jasalyp, salmaǵy 8 kelі mıomany alynyp tastaldy», - deıdі Janargúl Bekenova.