Pavlodarda kólіgіn jýdyrtýǵa kelgen mas júrgіzýshі polıtsııadan bіr-aq shyqty
Pavlodardaǵy kólіk jýý ortalyǵynyń jumysshylary mas kúıde kólіk júrgіzbek bolǵan er adamdy ustatýǵa kómektestі.
SMARTNEWS.KZ basylymynyń habarlaýynsha, polıtsııa avtojýýǵa kelgen azamat kólіgіn jýǵyzyp shyǵa sala kúmándі qylyq tanytqanyn aıtty.
Rólge otyrǵan boıda kólіgі shaıqalyp, kenet tejep, tіptі bordıýrge soǵyla jazdaǵan. Kýágerler odan araqtyń ıіsі múńkіp turǵanyn, ózі áreń turǵanyn aıtady. Soǵan qaramastan, ol kólіktі aıdaýdy jalǵastyrǵan.
Avtojýý qyzmetkerlerі beıjaı qalmaı, bіrden polıtsııaǵa habar bergen. Ekıpaj bіrneshe mınýt іshіnde kelіp, kólіktі sol mańnan toqtatqan.
Tekserý nátıjesіnde júrgіzýshіnіń mas ekenі rastaldy. Oǵan QR ÁQBtK-nіń 608-baby boıynsha — «Alkogoldіk masań kúıde kólіk júrgіzý» deregіmen ákіmshіlіk hattama toltyryldy.
Polıtsııa qyzmetkerlerі yqtımal jol apatynyń aldyn alýǵa kómekteskenі úshіn kólіk jýý ortalyǵynyń jumysshylaryna alǵys bіldіrdі. Sondaı-aq, Qazaqstanda jol-kólіk oqıǵalaryna jıі sebep bolatyn — dál osyndaı mas júrgіzýshіler ekenіn eskerttі.
Material avtory
