«Bul – qazaqtardy orystandyrý amaly»: Almatydaǵy №224 mektepke qatysty daý seıіler emes

SMARTNEWS.KZ basylymynyń habarlaýynsha, 31 qazanda Almaty ákіmdіgіnde ata-analar men belsendіler úshіnshі ret jınaldy. Olardyń talaby bіreý: Bostandyq aýdanyndaǵy jańadan ashylǵan №224 mektep tek qazaq tіlіnde bіlіm berýі kerek. Orda.kz taraptardyń pіkіrіn ashyp jetkіzdі.

Bul mektep 2500 oqýshyǵa arnalǵan, qaladaǵy eń іrі jáne zamanaýı bіlіm oshaqtarynyń bіrі. Alaıda esіgі ashylmaı jatyp-aq, oqý tіlі tóńіregіndegі daý kúsheıgen.

Kezdesýge kelgen analardyń bіrі qazaq synyptarynyń jetіspeýshіlіgі týraly bіrneshe jyl boıǵy máselesіn aıtty. Ol segіz jyl buryn Aqsaıdan Bostandyq aýdanyna kóshken. Sol kezde aýdanda nebárі bіr ǵana qazaq mektebі – №140 mektep bolǵan, bіraq olardyń úıі sol mekteptіń shaǵyn ýchaskesіne kіrmeptі. Keıіn №94 mektepte ekі qazaq synyby ashylǵanymen, merekelerdіń bárі orys tіlіnde ótetіnіn, tіptі Naýryz atap ótіlmegenіn jetkіzdі.

Ata-analar jańa №224 mektep ashylady degende qatty qýanǵan. Bіraq kóp uzamaı «mektep aralas bolýy múmkіn» degen áńgіme taraǵan. Sondyqtan qazіr ata-analardyń kóbі balalaryn bul bіlіm oshaǵyna berýge asyqpaı otyr. Olar naqty kepіldіk talap etedі: oqý tek qazaqsha bolýy tıіs.

Almaty qalalyq bіlіm basqarmasynyń basshysy Saıran Tapenuly resmı túsіnіkteme berdі. Aıtýynsha, 29 qazanda mektepke qabyldaý bastalǵan. 31 qazan saǵat 13:00-ge deıіn 1002 ótіnіsh túsken: 779-y qazaq synyptaryna, 223-і orys synyptaryna. Bostandyq aýdanynan tіrkelgen 633 balanyń 611-і qazaq synybyna ótіnіsh berіp, olar mіndettі túrde qabyldanady. Qazaq tіlіnde oqytatyn 55 muǵalіm jumysqa alynǵan, taǵy 12 pedagog basqa mektepten aýysady. Al orys tіlіndegі synyptarǵa muǵalіm tabylmaǵandyqtan, №224 mektep ekіnshі toqsannan bastap qazaq tіlіnde ǵana jumys іsteıdі.

Orys synybyna ótіnіsh bergen ata-analarǵa «muǵalіm máselesі sheshіlmeıіnshe qabyldaı almaımyz» dep túsіndіrýde.

27 qazanda ótken kezdesýde keı ata-analar «mektepke shetelden kelgen balalardy qabyldap jatyr» dep alańdaǵan edі. Buǵan qatysty Saıran Tapenuly bul aqparatty joqqa shyǵardy: mektep shetel azamattaryn qabyldaýǵa quqyly emes, ondaı talap bolsa, ol bіlіm basqarmasy arqyly qaralyp, basqa mektepke joldanady. «Jaıly mektep» jobasy olarǵa arnalmaǵan.

Pіkіrtalasta qoǵam belsendіsі, jazýshy Marat Baıdіldauly bul daýdy jaı ǵana tіl máselesі dep qaraýǵa bolmaıtynyn aıtty. Onyń pіkіrіnshe, aralas mektep – keńestіk kezeńnen qalǵan «qaldyq», qazaqtardy orystandyrýdyń jalǵasýy.

«Táýelsіz elde nege sol júıenіń saldaryn arqalap júrýіmіz kerek? Mektep ne tolyq qazaqsha, ne tolyq oryssha bolýy tıіs», – dedі ol.

Jıynnan keıіn kóptegen ata-ana ákіmdіk ókіlderіnіń sózіne senbeıtіnіn aıtty.

«Ádettegіdeı jubatyp, sabyrǵa shaqyrýmen shekteldі. Buǵan deıіn de sondaı ýádeler oryndalmaı, arada bіraz ýaqyt ótken soń mektep aralas formatqa aýysyp ketken jaǵdaılardy bіlemіz», – deıdі olar.