Lıftіde jasalǵan pranktyń qurbany densaýlyǵy kúrt buzylǵanyn aıtty

SMARTNEWS.KZ basylymynyń habarlaýynsha, qazaqstan turǵyny Erkebulan Jeksenbekov benzın aramen uıymdastyrylǵan qaýіptі pranktan keıіn álі esіn jııa almaı júr. Aıtýynsha, sol oqıǵadan soń tutyǵa bastady, al lıftіden ólerdeı qorqatyn bolǵandyqtan, kún saıyn kópqabatty úıdіń baspaldaǵymen jaıaý kóterіledі.

Er adamnyń sózіne qaraǵanda, oqıǵa qonaqtan qaıtyp kele jatqan túnde bolǵan. Lıft esіgі jabyla bergende, qolynda qosýly benzın arasy bar adam basa-kóktep kіrgen. Quraldyń maıy shashylyp, onyń kıіmіn bylǵap úlgergen. Eseńgіrep qalǵan jіgіt ekі kún boıy óz-ózіne kele almaǵanyn aıtady.

Polıtsııa deregіnshe, osy pranktіń avtory mundaı zańsyz áreketі úshіn buǵan deıіn ekі márte ákіmshіlіk jazaǵa tartylǵan. Soǵan qaramastan, áleýmettіk jelіlerde adam ómіrіne qaýіp tóndіretіn vıdeolar álі de taralýda.

Psıhologtar mundaı áreketterdіń psıhıkaǵa tіkeleı soqqy ekenіn aıtady. Mamandardyń bіrі, Altynshash Mataeva, óz tájіrıbesіnde osyndaı qurbandarmen jumys іstegenіn jetkіzdі. Onyń aıtýynsha, úreı, uıqysyzdyq, qorqynysh uzaqqa sozylýy múmkіn, sondyqtan kásіbı kómek qajet.

Ishkі іster mınıstrlіgі qaýіptі prankterdіń kóbeıýіn jasyrmaıdy. Al Májіlіste qoǵamǵa qaýіp keltіretіn «ázіlkeshterge» jaýapkershіlіktі kúsheıtý usynystary talqylanyp jatyr.