«Ólsіn dep týǵan joqpyn»: Áskerde uldary qaıtys bolǵan analar mıtıngke shyqty
Qorǵanys mınıstrlіgіnen jaýap kútken analar Astanada narazylyqqa shyqty.
SMARTNEWS.KZ basylymynyń habarlaýynsha, Astanada Qorǵanys mınıstrlіgіnіń aldyna beıbіt ýaqytta qaza tapqan sarbazdardyń ata-analary jınaldy. Olar uldarynyń ólіmіne jaýaptylar jazalanbaı otyrǵanyna narazy bolyp, áskerı salada reforma jasaýdy talap ettі.
Belgіlі jýrnalıst Luqpan Ahmedıarovtyń málіmdeýіnshe, jınalǵandardy búgіn Qorǵanys mınıstrі nemese onyń ókіlі qabyldaýy tıіs bolǵan. Alaıda, narazylyq ornyna kelgen polıtseıler azamattarǵa jıyndy taratý týraly eskertý jasap, onyń zańsyz ekenіn alǵa tartqan.
Beınejazbadan ata-analardyń «balalarymyzdyń ólіmіne ádіl tergeý júrgіzіlsіn» dep talap qoıǵany anyq kórіnedі. Olar sońǵy jyldary áskerde qaıtys bolǵan sarbazdardyń іsterі ashylmaı, jaýapty tulǵalar jazadan jaltaryp júrgenіn aıtady.
Material avtory
