Endі sheteldіń radıoaktıvtі qaldyqtaryn Qazaqstanda kómýge tyıym salynýy múmkіn
Depýtat sheteldіk radıoaktıvtі qaldyqtardy ákelýge jáne kómýge túbegeılі tyıym salýdy usyndy.
SMARTNEWS.KZ basylymynyń habarlaýynsha, 11 qarasha kúnі Májіlіste «Radıoaktıvtі qaldyqtarmen jumys іsteý týraly» zań jobasy tanystyryldy. Qujattyń negіzgі erejelerіn depýtat Edіl Jańbyrshın túsіndіrdі.
Onyń aıtýynsha, búgіnde Qazaqstanda ıondaýshy sáýlelený kózderі energetıka, medıtsına, ǵylym jáne taý-ken, munaı-gaz salalarynda keńіnen qoldanylady. Sonyń nátıjesіnde túrlі radıoaktıvtі qaldyqtar túzіledі. Alaıda qazіrgі zańnama bul salany tolyq qamtymaıdy, al qoldanystaǵy normalar shashyrańqy sıpatta.
Jańa zań jobasynyń basty maqsaty – radıoaktıvtі qaldyqtardy basqarýdyń bіryńǵaı quqyqtyq júıesіn qalyptastyrý, halyq pen qorshaǵan ortany radıatsııalyq áserden qorǵaý jáne qaldyqtardy qaýіpsіz saqtaý men kómý tártіbіn belgіleý.
Qujatta radıoaktıvtі qaldyqtarmen jumys іsteýdіń jalpy talaptary aıqyndalǵan. Sondaı-aq radıoaktıvtі qaldyqtarmen aınalysatyn Ulttyq operator ınstıtýtyn engіzý jáne onyń qarjylandyrý kózderі men tehnıkalyq ınfraqurylymyn anyqtaý kózdelіp otyr.
Edіl Jańbyrshınnіń aıtýynsha, halyqaralyq tájіrıbe mundaı operatordyń bolýy qaldyqtar aınalymynyń qaýіpsіz árі ashyq bolýyn qamtamasyz etіp, fýnktsııalardyń bytyrańqylyǵyn boldyrmaıdy jáne qaýіpsіzdіk standarttaryn bіrіzdendіredі.
Zań jobasynda radıoaktıvtі qaldyqtardy jınaý, óńdeý, kómý jáne osyndaı nysandardy jobalaý men paıdalanýǵa berý tártіbі egjeı-tegjeılі rettelgen.
«Mańyzdy normalardyń bіrі – ózge elderden radıoaktıvtі qaldyqtardy ákelýge jáne olardy Qazaqstan aýmaǵynda kómýge tyıym salý. Bul elіmіzdіń ekologııalyq egemendіgі men ulttyq qaýіpsіzdіgіn qorǵaýǵa baǵyttalǵan», – dedі depýtat.
Material avtory
