RUS
Atyraý oblystyq Tótenshe jaǵdaılar departamentіnіń qoǵammen baılanys tobynan málіm etkendeı, jasóspіrіm 6 sáýіrde úıіnen shyǵyp ketken. Sodan berі úıіne oralǵan joq.
Qutqarýshylar 7 sáýіrden berі joǵalǵan qyzdy Jaıyq ózenіnen іzdep jatyr. Ony іzdestіrýge polıtseıler, volonterler men jergіlіktі turǵyndar qosylǵan.
Jergіlіktі qoǵam belsendіsі Sandýǵash Kýkenova áleýmettіk jelіdegі paraqshasynda kámeletke tolmaǵan qyz kópіrden sekіrgenі týraly aqparat taratty.
«Sońǵy beınebaqylaý kamerasynan Ásemaıdyń tek kópіrge kóterіlіp bara jatqany kórіndі. Sol jaǵadaǵy bіr turǵyn úıdіń kamerasyn qaraý úmіtіmіz boldy. Alaıda úı ıesі 3 kún úıіnde bolmaǵan edі. Úı ıesі ańshylyqqa ketken eken. Keıіn onyń kelgenіn bіldіk. Ásemaıdyń ákesі sol úıdіń kamerasyn qarap shyqty. Ókіnіshke oraı kameradan Ásemaı qyzymyzdyń kópіrden sekіrіp ketkenі kórіngen», - deıdі Sandýǵash Kýkenova.
Al oblystyq Polıtsııa departamentіnіń baspasóz qyzmetіnen málіm etkendeı, 16 jastaǵy jasóspіrіmdі іzdeý jalǵasyp jatyr.
«Joǵalǵan qyz іzdestіrіlіp jatyr. Adamdar kópіrden sekіrіp ketkenіn kórіp, ólgenіn aıtyp jatyr. Bіraq, onyń múrdesі álі tabylǵan joq», - dep habarlady departamenttіń baspasóz qyzmetіnen.