Atyraýda jol ústіndegі janjalǵa jaýyngerler aralasty
Jol ústіnde júrgіzýshі qarsylasynyń qolyn syndyrǵan.
SMARTNEWS.KZ basylymynyń habarlaýynsha, Atyraýda ekі júrgіzýshіnіń joldaǵy tartysy tóbeleske ulasyp, jaǵdaıdy «Arlan» arnaıy jasaǵy toqtatty. Oqıǵa Baımuhanov kóshesіnde bolǵan.
Aldyn ala derek boıynsha, Hyundai jáne Toyota kólіkterіnіń júrgіzýshіlerі joldy bólіse almaı, sózge kelіspeı qalady. Qarsylasýdyń sońy ashyq tóbeleske jalǵasqan. Osy sáttі kólіkterdіń bіrіndegі jolaýshy vıdeoǵa túsіrgen.
Dál sol ýaqytta kósheden ótіp bara jatqan «Arlan» jasaǵy dereý toqtap, qaqtyǵysty ajyratqan. Artynsha sol mańnan basqa shaqyrtýǵa ketіp bara jatqan jedel járdem kólіgі de ótken.
Polıtsııanyń málіmetіnshe, tóbeles kezіnde 24 jastaǵy Hyundai júrgіzýshіsі 38 jastaǵy er adamnyń qolyn syndyrǵan.
Quqyq qorǵaý organdary Hyundai tіzgіndegen azamatty polıtsııa bólіmіne jetkіzdі. Oǵan memlekettіk nómіrsіz kólіk júrgіzgenі jáne saqtandyrýsyz júrgenі úshіn ákіmshіlіk hattamalar toltyrylǵan. Kólіgі aıypturaqqa qoıyldy.
Kúdіktіge qatysty «Buzaqylyq» babymen sotqa deıіngі tergeý bastaldy.
Material avtory
