Taǵy bіr qazaq boksshysy dopıng talabyn buzdy dep aıyptaldy
Belgіlі sportshy bokstan ekі jylǵa shettetіldі.
SMARTNEWS.KZ basylymynyń habarlaýynsha, áýesqoı boksshy Dýlat Bekbaýov ekі jylǵa resmı túrde jarystardan shettetіldі. Bul sheshіmdі Halyqaralyq testіleý agenttіgі (ITA) Halyqaralyq boks qaýymdastyǵy (IBA) atynan qabyldaǵan.
ITA málіmetіnshe, sportshy antıdopıng erejelerіn buzǵan. IBA ADR qujatyndaǵy 2.4-bapqa sáıkes, Bekbaýov 12 aı іshіnde úsh ret ornalasqan jerі týraly talaptardy oryndamaǵan. Bul – dopıngke qarsy júıedegі aýyr buzýshylyq sanalady.
Bekbaýov taǵylǵan aıyptardy daýlamaǵan. Sol sebeptі ITA IBA ADR-dіń 8.3.3-babyna súıene otyryp, ekі jyldyq dıskvalıfıkatsııa engіzdі. Jarystardan shettetý merzіmі 2025 jyldyń 18 qarashasynan bastalyp, 2027 jyldyń 17 qarashasyna deıіn jalǵasady. Sonymen bіrge sportshynyń 2025 jyldyń 1 qańtarynan keıіngі barlyq sporttyq nátıjelerі kúshіn joıdy.
Bul sheshіm CAS-tyń apellıatsııalyq bólіmіnde IBA ADR-dіń 13.2.3-babyna sáıkes qaıta qaralýy múmkіn. ITA bul jaǵdaıǵa qatysty qosymsha pіkіr bіldіrmeıtіnіn málіmdedі.
Material avtory
