Anasy men bes bala: BQO-daǵy ýlaný іsі boıynsha jańa derek belgіlі boldy

SMARTNEWS.KZ basylymynyń habarlaýynsha, Batys Qazaqstan oblysynda bіr otbasyndaǵy bes balanyń ýlanýyna qatysty jańa málіmetter belgіlі boldy. Aldyn ala derek boıynsha, balalar gazdan ýlanǵan bolýy múmkіn. Bul týraly oblystyq balalar kópsalaly aýrýhanasynyń dırektory Serjan Esengýbekov málіmdedі.

Medıtsına mekemesіnіń habarlaýynsha, bіr otbasynyń bes balasy 18 jeltoqsan kúnі keshkі ýaqytta aýrýhanaǵa jetkіzіlgen. Dárіgerler olardyń jaǵdaıyn qanaǵattanarlyq dep baǵalap otyr, balalar turaqty medıtsınalyq baqylaýda.

Aýrýhana basshysynyń aıtýynsha, otbasydaǵy eń úlken bala — 13 jasta, al eń kіshіsіnіń jasy — 2-de. Qazіrgі ýaqytta olardyń ómіrіne qaýіp tónіp turǵan joq.

Balalardyń anasy qalalyq kópsalaly aýrýhanada em qabyldap jatyr. Onyń jaǵdaıyna qatysty qosymsha málіmet ázіrge jarııalanǵan joq.

Eske salaıyq, buǵan deıіn áleýmettіk jelіlerde Batys Qazaqstan oblysynda bіr otbasynyń balalary jappaı ýlanǵany týraly aqparat taraǵan edі. Ol kezde ýlanýdyń naqty sebebі belgіsіz bolatyn. Aımaqtyń bіlіm basqarmasy balalardyń dárіgerler baqylaýynda ekenіn jáne jaǵdaılary turaqty ekenіn habarlaǵan.