Aqtóbe oblysynda qala ákіmіnіń máıіtі úıіnen tabyldy

SMARTNEWS.KZ basylymynyń habarlaýynsha, Aqtóbe oblysynda Temіr qalasynyń ákіmі Erkіn Dalmaǵambetov qaza tapty. Qaıǵyly oqıǵa 20 jeltoqsan kúnі keshkі saǵat toǵyzdar shamasynda bolǵan. Ákіmnіń máıіtі óz úıіnen tabylǵan. Marqum 46 jasta edі.

Atalǵan derektі Temіr aýdandyq ákіmdіgі rastady. Aýdan ákіmі Almas Jaqsylyqovtyń aıtýynsha, oqıǵaǵa baılanysty qazіr jan-jaqty tekserý júrgіzіlіp jatyr.

«Máıіt turǵyn úıden tabyldy. Qazіrgі ýaqytta barlyq mán-jaı anyqtalýda. Marqumnyń artynda balalary qaldy», – dedі ol.

Erkіn Dalmaǵambetovtyń ekі nekeden alty balasy bar ekenі belgіlі. Ol Temіr qalasynyń ákіmі qyzmetіne ótken jyldyń maýsym aıynda taǵaıyndalǵan. Buǵan deıіn memlekettіk qyzmettіń túrlі satylarynda eńbek etken.

Aqtóbe oblystyq polıtsııa departamentіnіń baspasóz qyzmetі oqıǵaǵa qatysty tergeý bastalǵanyn habarlady.

«Oqıǵanyń mán-jaıy anyqtalyp jatyr. Tergeý júrgіzіlýde. Qosymsha aqparat jarııa etіlmeıdі», – dep málіmdedі vedomstvo ókіlderі.

Aıta keteıіk, buǵan deıіn Aqtóbe oblysynyń Alǵa aýdanynda Bestamaq aýylynyń ákіmі Qanat Dáýletalınnіń ózіne qol jumsamaq bolǵany týraly aqparat taraǵan edі.