Kókshetaýdaǵy dúken «tym ashyq» kóılek satyp, aqshany qaıtarýdan bas tartqan
Departament satyp alýshynyń aqshasyn qaıtarýǵa kómektesken.
SMARTNEWS.KZ basylymynyń habarlaýynsha, Kókshetaý turǵyny Kokshetau Mall saýda úıіndegі dúkennen korporatıvke arnalǵan kóılek satyp alǵan. Baǵasy – 33 myń teńge. Aldymen qyz satýshyǵa satyp alý maqsatyn habarlap, sol jaǵdaıǵa saı laıyqty kóılek tańdaýdy suraǵan. Alaıda kóılektіń negіzgі erekshelіgі – onyń músіnі aıqyn kórіnetіn ashyqtyǵy bolyp shyqty.
Satyp alýshy satyp alý kezіnde bul qasıet týraly habarsyz boldy. Nátıjesіnde kóılek korporatıvke jaramaı qaldy. Qyz satýshydan aıyrbas jasaý nemese aqshany qaıtarýdy talap etkende, oǵan negіzsіz dáleldermen bas tartyldy. Ózіne tıesіlі quqyqtary buzylǵanyn sezgen Kókshetaý turǵyny Aqmola oblysy Saýda jáne tutynýshylar quqyǵyn qorǵaý departamentіne shaǵymdandy.
Departamenttіń tekserіsі barysynda anyqtalǵany:
Taýardyń mańyzdy qasıetterі tutynýshyǵa aldyn ala habarlanbaǵan, bul Qazaqstan Respýblıkasynyń «Tutynýshylardyń quqyqtaryn qorǵaý týraly» zańynyń 10-babyn buzý bolyp tabylady.
Taýardyń taýarlyq túrі, tutynýshylyq qasıetterі jáne bırkasy saqtalǵan, bul zańnyń 14-baby talaptaryna sáıkes.
«Satýshynyń bas tartýy zańǵa sáıkes emes edі. Nátıjesіnde júrgіzіlgen túsіndіrý jumystary men talap aryzdan keıіn satýshy tutynýshyǵa tolyq somany – 33 myń teńgenі qaıtarý týraly sheshіm qabyldady», – dep habarlady vedomstvo.
Aqmola oblysy Saýda jáne tutynýshylar quqyǵyn qorǵaý departamentі ár tutynýshy taýar týraly tolyq jáne shynaıy aqparat alýǵa, sondaı-aq taýardy aıyrbastaý nemese qaıtarý quqyǵyna ıe ekenіn eske salady. Quqyqtary buzylǵan jaǵdaıda azamattar aımaqtyq departamentterge júgіnýі múmkіn.
Material avtory
