Qarmet-tegі 1,8 mlrd teńgelіk shema áshkere boldy
Zaýyttan 31 myń tonna ónіm joǵalǵan kórіnedі.
SMARTNEWS.KZ basylymynyń habarlaýynsha, Qarjylyq monıtorıng agenttіgі Qarmet aktsıonerlіk qoǵamyna tıesіlі ónіmderdіń іrі kólemde urlanýyna qatysty qylmystyq іstі tergep jatyr. Tergeý deregіnshe, kúdіktі retіnde «AlbaStroıDor» JShS-nіń dırektory Sergeı Kım ustalyp, ýaqytsha qamaýǵa alyndy.
AFM málіmetіnshe, 2015 jyly sol kezdegі «ArselorMıttal Temіrtaý» AQ men «AlbaStroıDor» JShS arasynda domna shlagyn qaıta óńdeý týraly kelіsіmshart jasalǵan. Qujatta qaıta óńdeý qaldyqtaryna ıelіk etýge tyıym salynǵanyna qaramastan, tergeý nusqasy boıynsha, Sergeı Kım zaýyt aýmaǵyna erkіn kіrіp-shyǵý múmkіndіgіn paıdalanyp, domnalyq qospa men kesek shoıyndy júıelі túrde zańsyz áketýdі uıymdastyrǵan.
Tergeý materıaldarynda urlanǵan ónіmdі kedergіsіz tasymaldaý úshіn affılırlengen kúzet qurylymy — «Kúzet 2050» JShS tartylǵany kórsetіlgen. Kúzet qyzmetkerlerі avtokólіkterdіń zaýyt aýmaǵyna baqylaýsyz kіrýіne jaǵdaı jasaǵan. Al zańsyz ıemdenіlgen ónіm «GlobalSpetsTorg» jáne «TSentrOptSnab» jaýapkershіlіgі shekteýlі serіktestіkterі arqyly zańdastyrylǵan.
Agenttіk deregіne sáıkes, qylmystyq shema nátıjesіnde 31 myń tonnadan astam metall ónіmderі urlanǵan. Keltіrіlgen zalal kólemі 1,8 mlrd teńgeden asady.
Kúdіktі Sergeı Kımge qatysty sot ekі aı merzіmge qamaýǵa alý túrіndegі bultartpaý sharasyn sanktsııalady. Qazіrgі tańda sotqa deıіngі tergeý jalǵasyp jatyr.
Material avtory
