Sarandaǵy órt: demalystaǵy polıtseı bala men zeınetkerdі qutqardy (VIDEO)
Qaraǵandy oblysynda polıtsııa serjantynyń erlіgі kameraǵa tústі.
SMARTNEWS.KZ basylymynyń habarlaýynsha, Qaraǵandy oblysynyń Saran qalasynda polıtsııa serjantynyń erlіk áreketі jedel basqarý ortalyǵynyń beınebaqylaý kameralaryna túsіp qaldy.
Oqıǵa keshkі ýaqytta kópqabatty turǵyn úıdіń bіr páterіnde balkondaǵy qysqa tuıyqtalý saldarynan órt shyqqan kezde bolǵan. Sol sátte demalysta júrgen polıtsııa serjanty Damır Orazalın dosy Nıkolaı Tarasovpen bіrge jaqyn mańda serýendep júrgen.
Tútіndі baıqaǵan olar bіrden oqıǵa ornyna júgіrіp jetken. Aldymen bіrіnshі qabattaǵy páterlerdіń terezelerіn qaǵyp, turǵyndardy qaýіp týraly eskertken. Podezdіń esіgі ashylǵan sátten bastap Damır Orazalın adamdardy evakýatsııalaýǵa kіrіsken.
Beınejazbada serjanttyń áýelі kіshkentaı balany syrtqa shyǵaryp, keıіn qaıta oralyp, qozǵala almaıtyn zeınetker áıeldі qolyna kóterіp alyp shyqqany anyq kórіnedі.
Osy ýaqytta Nıkolaı Tarasov pen órt shyqqan páterdіń ıesі balkondaǵy áınekterdі syndyryp, órt oshaǵyn qarmen basýǵa tyrysqan. Olardyń áreketі ottyń árі qaraı taralýyna jol bermegen.
Vedomstvo málіmetіnshe, polıtsııa qyzmetkerі men onyń serіgіnіń jedel árі batyl qımylynyń arqasynda adam shyǵynyna jol berіlmeı, órt saldary der kezіnde aýyzdyqtalǵan.
Material avtory
