Burynǵy Májіlіs depýtaty ómіrden óttі

SMARTNEWS.KZ basylymynyń habarlaýynsha, 4 qańtarda 84 jasqa qaraǵan shaǵynda Qazaqstan Respýblıkasy Parlamentі Májіlіsіnіń bіrіnshі shaqyrylymynyń depýtaty, memleket jáne qoǵam qaıratkerі Kemal Ábіlákіmov ómіrden ozdy. Ol ár jyldary Almaty qalasy men Almaty oblysynyń memlekettіk organdarynda, sondaı-aq tótenshe jaǵdaılar júıesіnde jaýapty qyzmetter atqarǵan.

Kemal Ábіlákіmov 1942 jyly Almaty oblysynda dúnıege kelgen. Joǵary bіlіmdі Rostov aýyl sharýashylyǵy mashınalaryn jasaý ınstıtýtynda alǵan. Eńbek jolyn stýdenttіk kezіnen bastap, Rostov mashına jasaý zaýytynda tokar bolyp bastaǵan. Keıіn Almaty aýyr mashına jasaý zaýytynda ınjener, aǵa ınjener qyzmetterіn atqardy.

1984 jyldan bastap onyń kásіbı qyzmetі Almaty qalasynyń basqarý qurylymdarymen tyǵyz baılanysty boldy. Ol shamamen on jyl boıy qalalyq atqarý komıtetіnіń kúrdelі qurylys basqarmasyn basqaryp, іrі ınfraqurylymdyq jobalardy júzege asyrýǵa jetekshіlіk ettі. 1993–1995 jyldary jergіlіktі basqarý júıesі qaıta qurylyp jatqan kezeńde Almaty qalasynyń Oktıabr aýdanyn ákіmі retіnde basqardy.

1995 jyly Kemal Ábіlákіmov Qazaqstan Respýblıkasy Parlamentі Májіlіsіnіń bіrіnshі shaqyrylymyna depýtat bolyp saılandy. 1995–1999 jyldary tómengі palatada saılaýshylardyń múddesіn qorǵap, Ekonomıka, qarjy jáne bıýdjet komıtetіnіń quramynda jumys іstedі. Ol táýelsіz Qazaqstannyń zańnamalyq negіzіn qalyptastyrýǵa qatysqan alǵashqy parlamentarıılerdіń bіrі boldy.

1999–2001 jyldary Almaty oblysy ákіmіnіń orynbasary qyzmetіn atqardy. Al 2001–2003 jyldary Qazaqstan Respýblıkasynyń Tótenshe jaǵdaılar agenttіgіnde jedel áreket etý jáne azamattyq qorǵanys departamentіn basqardy.

Keıіngі jyldary qurylys salasynda eńbek etіp, «Bazıs-A» qurylys korporatsııasynda vıtse-prezıdent qyzmetіn atqardy.

Zamandastary men árіptesterі Kemal Ábіlákіmovtі kásіbı tájіrıbesі mol, memlekettіk basqarýdyń túrlі deńgeıіnen ótken, táýelsіz Qazaqstannyń alǵashqy saıası elıtasynyń ókіlі retіnde eske alady.