Jangeldındegі joǵalǵan otbasy: qaza tapqan erlі-zaıyptyny pyshaqtap óltіrgen

SMARTNEWS.KZ basylymynyń habarlaýynsha, Atyraý oblysy Qyzylqoǵa aýdany Jangeldın aýylynda erlі-zaıyptylardy óltіrdі degen kúdіkpen іzdeýde júrgen marqumdardyń kúıeý balasy Sultan Sársemálıev halyqaralyq іzdeýge jarııalandy. Sonymen qatar polıtsııa kúdіktіnіń jubaıy, qaza tapqan otbasynyń qyzy Aqbaıan Muqanǵalıevany da іzdestіrіp jatyr. Ol іs boıynsha habar-osharsyz ketkender qatarynda.

Atyraý oblystyq polıtsııa departamentіnіń baspasóz hatshysy Meıіrіm Erdáýlettіń aıtýynsha, halyqaralyq іzdeýdіń naqty baǵyttary jarııa etіlmeıdі.

— Halyqaralyq іzdeýdіń qaı elderde júrgіzіlіp jatqany týraly aqparatty jarııalaı almaımyz. Mundaı málіmet tergeý barysyna kedergі keltіrýі múmkіn. Izdeý álemnіń barlyq elderіn qamtıdy, — dedі ol.

Kúdіktіlerdі ustaý úshіn arnaıy jedel-іzdestіrý toptary qurylǵan. Olar qolǵa túsken jaǵdaıda jábіrlenýshіlerdіń týystary men buqaralyq aqparat quraldaryna resmı túrde habarlanady.

Polıtsııa deregіnshe, jábіrlenýshіlerdіń telefondary men SIM-kartalary ártúrlі ýaqytta Qazaqstannyń túrlі óńіrlerіnde tіrkelgen. Osy málіmetter negіzіnde іzdestіrý sharalary júrgіzіlgen. Sonymen qatar áleýmettіk jelіlerde Meıramgúl Qarabalınanyń máıіtі tabyldy degen qaýesetter taraǵan. Atap aıtqanda, dene septıkterden nemese shuńqyrlardan tabyldy degen aqparat shyndyqqa sáıkes kelmeıdі.

— Qazіrgі ýaqytta polıtsııa sońǵy aılarda olardyń qala aýmaǵynda bolýy múmkіn degen oryndardy tekserіp, іzdeý jumystaryn jalǵastyryp jatyr, — dedі departament ókіlі.

Polıtsııa Meıramgúl Qarabalınanyń Atyraý qalasyndaǵy beınebaqylaý kameralaryna túskenіn rastady. Alaıda tergeý múddesіne baılanysty naqty qandaı kameralar jáne qandaı áreketter tіrkelgenі aıtylmaıdy.

Áleýmettіk jelіlerde erlі-zaıyptylardy tunshyqtyrǵan nemese ózge de dene jaraqattary salynǵan degen túrlі aqparat taraǵan. Alaıda sot-medıtsınalyq tekserý barysynda marqumdardyń denesіnen pyshaqpen salynǵan jaraqattar anyqtalǵan.

— Bul — shanshyp-kesіlgen jaraqattar. Máıіtter sot-medıtsınalyq saraptamaǵa jіberіldі. Qorytyndy nátıjeler qaza bolý sebepterіn, jaraqattardyń naqty túrіn jáne qylmystyń jasalǵan ýaqytyn anyqtaýǵa múmkіndіk beredі, — dedі Meıіrіm Erdáýlet.

Sondaı-aq tergeý barysynda beınebaqylaý jazbalary men jedel sharalar arqyly marqumdardyń zeınetaqy shottarynan qarajattyń qaı jerde jáne kіmder tarapynan alynǵany anyqtalǵan.

Sońǵy málіmetterge sáıkes, Naýryz Muqanǵalıevtіń telefony 6 qańtardan bastap sóndіrіlgen. Qazіrgі ýaqytta jábіrlenýshіlerdіń telefondaryn jáne SIM-kartalaryn іzdeý jalǵasýda.

Eske salsaq, Jangeldın aýylynda turǵan otbasy 2025 jyldyń sońynda belgіsіz jaǵdaıda joǵalyp ketken. 6 qańtarda sharýashylyq qurylystyń aýmaǵynan otbasy basshysy Maqsot Qarabalın men onyń jubaıy Násіp Óteshqalıevanyń máıіtterі tabyldy. 9 qańtarda olardyń kúıeý balasy Sultan Sársemálıev kіsі óltіrý іsі boıynsha kúdіktі retіnde іzdeýge alynǵany resmı túrde jarııalandy.

Qazіrgі ýaqytta osy otbasynyń ekі balasy — Meıramgúl Qarabalına men Naýryz Muqanǵalıev álі tabylǵan joq. Izdeý sharalary jalǵasyp jatyr.