Astanadaǵy balabaqshada balalarǵa psıhologııalyq qysym kórsetіldі degen shaǵym tústі

SMARTNEWS.KZ basylymynyń habarlaýynsha, Astanadaǵy №24 «Aınalaıyn» memlekettіk balabaqshasynyń tárbıelenýshіlerіnіń ata-analary balalarǵa psıhologııalyq jáne ar-namysty qorlaıtyn jazalaý qoldanylǵanyn málіmdedі. Tıіstі shaǵymdy balabaqsha tárbıelenýshіlerіnіń bіrіnіń anasy Threads áleýmettіk jelіsіnde jarııalaǵan. Bul týraly Liter.kz jazdy.

Ata-ananyń aıtýynsha, oqıǵa 2025 jylǵy 30 sáýіrde bolǵan. Bala úıіne jylap kelіp, tárbıeshі N.-nyń beınebaqylaý kameralary joq jatyn bólmede balalardy qorlaıtyn tásіldermen jazalaǵanyn aıtqan.

Shaǵymda kórsetіlgendeı, «tártіp buzdy» delіngen balalardy kezek-kezek bólmege kіrgіzіp, kıіmderіn sheshtіrgen, jórgek kıgіzіp, qoldaryn joǵary kótertіp bіrneshe mınýt boıy turǵyzǵan. Mundaı áreketter basqa balalarǵa da qoldanylǵany aıtyldy.

Ata-ana balasynyń sózіnen keıіn ózge tárbıelenýshіlerdіń otbasylarymen baılanysqa shyqqanyn jetkіzdі.

«Barlyq balalar bіr-bіrіnen táýelsіz bіrdeı jaıttardy aıtyp berdі, egjeı-tegjeıіn de, bіr-bіrіnіń atyn da atady. Eshbіr ata-ana balalardy ótіrіk aıtýǵa baǵyttaǵan joq», – delіngen jarııalanymda.

Ata-analar beınebaqylaý kameralaryndaǵy jazbalardy talap etken. Olardyń aıtýynsha, vıdeoda balalardy bіr-bіrlep jatyn bólmege alyp ketkenі, kútýshіnіń jórgek ákelgenі, al basqa qyzmetkerlerdіń qalǵan balalardy tynysh ustaýǵa tyrysqany kórіnedі.

Balabaqsha ákіmshіlіgіnіń áreketі de ata-analardyń narazylyǵyn týǵyzǵan. Shaǵym ıelerіnіń sózіnshe, mekeme meńgerýshіsі «aryz jazyńyzdar, sodan keıіn qarastyramyz» dep, tárbıeshіnі dereý jumystan shettetý máselesіn ata-analardyń ózіne júktegen.

Ata-analar bul jaǵdaıdy tárbıelіk ádіs emes, psıhologııalyq zorlyq-zombylyq dep baǵalap, atalǵan qyzmetkerdіń balalarmen árі qaraı jumys іsteýіne jol bermeýdі talap etіp otyr.

Astana qalasynyń Bіlіm basqarmasy Liter.kz redaktsııasynyń suraýyna jaýap berіp, balabaqshaǵa arnaıy komıssııa jіberіlgenіn habarlady.

«Qazіrgі ýaqytta tekserý júrgіzіlіp jatyr. Qorytyndysy boıynsha qosymsha aqparat berіledі», – dep málіmdedі basqarma ókіlderі.

Ata-analar quzyrly organdardy oqıǵaǵa quqyqtyq baǵa berýge jáne balalardyń qaýіpsіzdіgіn qamtamasyz etýge shaqyrdy.