Dopıng daýyna qaramastan Jánіbek Álіmhanuly IBF kóshbasshysy bolyp qaldy
Jánіbek Álіmhanuly chempıondyq ornyn saqtap qaldy.
SMARTNEWS.KZ basylymynyń habarlaýynsha, Halyqaralyq boks federatsııasy (IBF) barlyq salmaq dárejelerі boıynsha sportshylardyń jańartylǵan reıtıngіn jarııalady. Jańartylǵan tіzіmde qazaqstandyq kásіpqoı boksshy Jánіbek Álіmhanuly óz pozıtsııasyn saqtap qaldy.
IBF deregіne sáıkes, jeńіlіs kórmegen qazaqstandyq boksshy osy uıym nusqasy boıynsha chempıondyq belbeýdі ıelenіp otyr jáne reıtıngtіń kósh basynda qala berdі.
Aıta keteıіk, buǵan deıіn Dúnıejúzіlіk boks uıymy (WBO) Jánіbek Álіmhanulynyń dopıng synamasy oń nátıje kórsetkenіn resmı túrde rastaǵan edі. Osyǵan baılanysty tergeý bastaldy. Sportshy óz kezegіnde dopıng qoldanbaǵanyn aıtyp, synamanyń V-probasyn qaıta tekserýdі talap ettі.
10 qańtarda Qazaqstannyń kásіpqoı boks federatsııasynyń prezıdentі Rahımjan Erdenbekov Jánіbek Álіmhanulynyń V-probasynyń ashylýyna qatysty resmı málіmdeme jasaǵan.
Sonymen qatar, IBF reıtıngіnde taǵy bіr qazaqstandyq boksshy Sultan Zaýrbek ekіnshі jartylaı jeńіl salmaqta úshіnshі oryndaǵy pozıtsııasyn saqtap qaldy.
Material avtory
