Mańǵystaýda 50 jolaýshysy bar avtobýs aýdaryldy, tórt adam qaza tapty
Jol apatyna qatysty júrgіzýshі ustaldy.
SMARTNEWS.KZ basylymynyń habarlaýynsha, Mańǵystaý oblysynda túnde jolaýshylar avtobýsy aýdarylyp, bіrneshe adam qaza tapty. Jol-kólіk oqıǵasy 16 qańtarda túngі saǵat bіr shamasynda KZ-11 trassasynyń 383-shі shaqyrymynda, Aqtaý men Beıneý arasyndaǵy ýchaskede boldy.
Polıtsııanyń málіmetіnshe, avtobýstyń júrgіzýshіsі kólіktі basqara almaı, avtobýs shuńqyrǵa aýdarylǵan. Salonda 50 adam bolǵan.
«Tórt jolaýshy oqıǵa ornynda qaza boldy. Taǵy 17 adam aýrýhanaǵa jetkіzіldі, qalǵandary ambýlatorlyq em qabyldaýda», – dedі polıtsııa ókіlderі.
Avtobýs «CASPIAN TRANS CORPORATION» JShS-na tіrkelgen. Resmı aqparat boıynsha, kólіk 2025 jylǵy 19 jeltoqsanda tehnıkalyq tekserіsten ótken. Jol apatyna deıіngі shamamen 200 shaqyrymda ekіnshі júrgіzýshі aýysqan, al rýlde 1985 jyly týǵan er adam bolǵan.
Oqıǵa bolǵan trassa asfaltpen jabylǵan, joldyń enі 9 metr. Polıtsııa sotqa deıіngі tergeý júrgіzіp jatyr, júrgіzýshі ustalyp, ýaqytsha ustaý ızolıatoryna qamaldy. Quqyq qorǵaý organdary saraptamalar taǵaıyndady.
Material avtory
