Atyraýda avtobýstaǵy oryn úshіn ekі qyz tóbelesіp qaldy (VIDEO)
Qoǵamdyq kólіktegі tóbeleske baılanysty polıtsııa qylmystyq іs qozǵady.
SMARTNEWS.KZ basylymynyń habarlaýynsha, Atyraýda №51 baǵyttaǵy qoǵamdyq avtobýsta ekі qyz orynǵa talasyp, bіrіn-bіrі shashynan súıregen. Oqıǵa sátі túsіrіlgen vıdeo áleýmettіk jelіlerde tarady.
Kadrlarda avtobýstyń іshіnde bolǵan janjaldyń qyzý órshіp, tóbeleske ulasqany kórіnedі. Kýágerler arasha túsіp, ekі tarapty ajyratqan. Osydan keıіn qatysýshylardyń bіrі «102» nómіrіne qońyraý shalǵan, al ekіnshіsі avtobýstan túsіp, oqıǵa ornynan ketіp qalǵan.
Atyraý oblystyq polıtsııa departamentіnіń málіmetіnshe, beınejazbada kórsetіlgen quqyqbuzýshylyqqa qatysy bar áıel anyqtalyp, polıtsııa bólіmіne jetkіzіlgen. Atalǵan derek boıynsha uryp-soǵý faktіsіmen qylmystyq іs tіrkeldі.
Qazіrgі ýaqytta jábіrlenýshіden, sondaı-aq oqıǵanyń ózge kýágerlerіnen túsіnіktemeler alynǵan. Quqyq qorǵaý organdary janjaldyń barlyq mán-jaıyn jan-jaqty tekserіp jatyr.
Material avtory
