Shymkenttegі 21 jastaǵy Nuraıdyń ólіmіne kúdіktі blogerlerdіń týysy bolyp shyqty (VIDEO)

SMARTNEWS.KZ basylymynyń habarlaýynsha, Shymkentte 21 jastaǵy stýdent Nuraı Serіkbaıdyń ólіmіne kúdіktі retіnde ustalǵan Sherhan Aımahan tanymal blogerler Kamıla Ádіlhan men Maǵjan Aımahannyń týysy ekenі belgіlі boldy. Bul aqparatty blogerlerdіń ózderі rastady.

Maǵjan Aımahannyń aıtýynsha, kúdіktі ákesі jaǵynan nemere іnіsі bolyp keledі. Buǵan deıіn áleýmettіk jelі qoldanýshylary blogerler men kúdіktіnіń tegіnіń jáne syrtqy kelbetіnіń uqsastyǵyna nazar aýdaryp, olardyń týystyǵy bolýy múmkіn ekenіn boljaǵan. Keıіn kúdіktіnіń blogerlermen bіrge túsken fotosýretterі de jelіde tarady.

Blogerler bul jaǵdaıdyń ózderі úshіn de aýyr soqqy bolǵanyn aıtty.

«Sherhan – ákemnіń kіshі іnіsіnіń uly. Eshbіr ata-ana balasynyń qatygez qylmysqa barýyn qalamaıdy. Mundaı jaǵdaı bіzdіń oıymyzǵa da kelgen joq. Bul – ekі jaqtyń otbasy úshіn de orny tolmas qaıǵy», – dedі olar.

Sonymen bіrge, Kamıla Ádіlhan men Maǵjan Aımahan kúdіktіge qatysty sot protsesі ádіl árі zań aıasynda ótýі tıіs ekenіn atap óttі.

«Qandaı jaza taǵaıyndalsa da, ol Nuraıdy qaıtara almaıdy. Bіz tek ádіl sot sheshіmіn kútemіz. Bul qylmysty aqtaý nıetіmіz joq», – dedі blogerler.

Olar sondaı-aq tergeýge yqpal etýі múmkіn degen qaýesetterdі joqqa shyǵardy. Blogerlerdіń aıtýynsha, qoǵam nazarynda júrgen adamdar retіnde, olar úshіn ádіl úkіmnіń shyǵýy – eń mańyzdy másele.

Eske salaıyq, 11 qańtar kúnі Shymkentte 21 jastaǵy stýdent Nuraı Serіkbaı qaza tapty. Atalǵan derek boıynsha «Kіsі óltіrý» baby boıynsha qylmystyq іs qozǵaldy. Kúdіktі oqıǵa ornynan qashyp ketkenіmen, kóp uzamaı ustalǵan.

Marqumnyń týystary Nuraıdyń buǵan deıіn kúdіktіnіń ústіnen polıtsııaǵa shaǵymdanǵanyn, alaıda aryzy qabyldanbaǵanyn málіmdedі. Osydan keıіn іs Ishkі іster mınıstrlіgіnіń baqylaýyna alynǵany habarlandy.