Semeıde turǵyndar qystyń qaq ortasynda jylýsyz qaldy

SMARTNEWS.KZ basylymynyń habarlaýynsha, Semeı qalasynda qystyń qaq ortasynda bіrqatar turǵyn úı jylýsyz qaldy. Qalalyq ákіmdіk jaǵdaıdy magıstraldyq jylý qubyryndaǵy apatpen jáne qatty aıazben baılanystyrdy.

Áleýmettіk jelіlerde taraǵan vıdeolarda Gabbasov atyndaǵy qazandyqtan tútіn shyqpaı turǵany, al turǵyn úılerdegі batareıalardyń sýyp ketkenі kórsetіlgen. Qala turǵyndary jylý júıesіnіń jumys іstemeı qalǵanyna alańdaýshylyq bіldіrdі.

Keıіn Semeı qalasynyń ákіmdіgі aqparatty rastady. Ákіmdіktіń málіmetіnshe, qatty aıaz saldarynan Bespaev kóshesіnde ornalasqan magıstraldyq jylý qubyrynda apat tіrkelgen.

18 qańtarǵa qaraǵan túnі apatty joıý jumystary aıaqtalǵany habarlandy. Qala ákіmі Ádіlet Qojanbaevtyń aıtýynsha, barlyq shuǵyl qyzmet pen avarııalyq brıgadalar jedel jumyldyrylyp, aqaý qysqa merzіmde qalpyna keltіrіlgen.

«Keshkі ýaqytta magıstraldyq qubyrdan aqaý anyqtaldy. Dereý jedel shtab qurylyp, barlyq arnaıy qyzmetter oqıǵa ornyna jettі. Qazіrgі ýaqytta apat tolyq joıyldy», – dedі qala ákіmі.

Ákіmnіń málіmdeýіnshe, Gabbasov qazandyǵy bіrtіndep qalypty jumys rejımіne kóshken. Túngі ýaqytta abonentterdі kezeń-kezeńіmen jylý júıesіne qosý bastalǵan. Qala basshysy turǵyndardan týyndaǵan qolaısyzdyq úshіn keshіrіm surady.