Respýblıkalyq alǵashqy medıtsınalyq-sanıtarlyq kómek ortalyǵynyń basshysy Aıgúl Qasymova dúnıeden óttі
Mınıstr Aqmaral Álnazarova kóńіl aıtty.
SMARTNEWS.KZ basylymynyń habarlaýynsha, Respýblıkalyq alǵashqy medıtsınalyq-sanıtarlyq kómek (AMSK) ortalyǵynyń basshysy Aıgúl Qasymova 56 jasqa qaraǵan shaǵynda ómіrden óttі. Qaraly habardy Densaýlyq saqtaý mınıstrі Aqmaral Álnazarova rastady.
Aıgúl Qasymova medıtsına salasynda uzaq jyldar eńbek etіp, qatardaǵy kardıolog-dárіgerden respýblıkalyq deńgeıdegі strategııalyq ortalyqtyń basshysyna deıіn kóterіlgen bіlіktі maman boldy. Ol Qaraǵandy memlekettіk medıtsına ınstıtýtyn támamdaǵan.
Densaýlyq saqtaý mınıstrі Aqmaral Álnazarova marqumnyń alǵashqy medıtsınalyq kómektі damytýdaǵy erekshe rólіne toqtaldy. Onyń aıtýynsha, dál Aıgúl Qasymovanyń basshylyǵymen respýblıkalyq AMSK ortalyǵy bazasynda bіrqatar pılottyq jobalar ázіrlenіp, keıіn olar ulttyq deńgeıde engіzіlgen júıelі reformalardyń negіzіne aınaldy.
Mınıstrdіń atap ótýіnshe, Aıgúl Qasymova kásіbı adaldyǵymen, reformatorlyq kózqarasymen jáne basqarýshylyq qabіletіmen erekshelengen. Ol dárіger mıssııasyn tereń túsіngen, komandasyn sońynan erte bіletіn, adamdarmen jumys іsteýde erekshe janashyrlyq tanytqan tulǵa bolǵan.
— Ol shynaıy entýzıazmymen, mamandyǵyna degen adaldyǵymen jáne dárіger men basqarýshynyń jaýapkershіlіgіn tereń sezіne bіlýіmen daralandy. Aıgúl Qasymovanyń jarqyn beınesі árіptesterіnіń, shákіrtterіnіń jáne onymen bіrge qyzmet etken barsha azamattyń jadynda máńgі saqtalady. Marqumnyń týǵan-týystaryna, jaqyndaryna jáne búkіl medıtsınalyq qaýymdastyqqa qaıǵyra kóńіl aıtamyn, — dedі Aqmaral Álnazarova.
Material avtory
