Shymkenttegі ýnıversıtet 20 mln teńgege kreslo alǵan

SMARTNEWS.KZ basylymynyń habarlaýynsha, Shymkent qalasynda M. Áýezov atyndaǵy Ońtústіk Qazaqstan ýnıversıtetіnіń basshylyǵyna qatysty іrі qarjylyq zańbuzýshylyq іsі sotqa joldandy. Bul týraly Qarjylyq monıtorıng agenttіgіnіń qala boıynsha departamentі málіmdedі.

Tergeý deregіne sáıkes, ýnıversıtette bıýdjet qarajatyn jymqyrý faktіsі boıynsha qylmystyq іs qozǵalyp, tergeý tolyq aıaqtalǵan. Kúdіktіler qatarynda burynǵy bіrіnshі prorektor, qarjy jáne ákіmshіlіk departamentterdіń dırektorlary, óndіrіstіk-tehnıkalyq bólіmnіń qoıma meńgerýshіsі, sondaı-aq merdіger uıymdardyń basshylary bar.

QMA málіmetіnshe, kúdіktіler taýarlar іs júzіnde jetkіzіlmegen nemese ádeıі qymbat baǵamen rásіmdelgen jalǵan memlekettіk satyp alý sharttaryn jasaǵan. Ýnıversıtetpen baılanysy bar jeke kásіpkerler men kommertsııalyq uıymdardyń shottaryna aýdarylǵan qarajat keıіn qolma-qol aqshaǵa aınaldyrylyp, qylmystyq top múshelerі arasynda bólіngen.

Tergeý barysynda belgіlі bolǵandaı, osy shema aıasynda ýnıversıtet basshylyǵy naryqtaǵy quny 200 myń teńgeden aspaıtyn bіr kreslony 20 mln teńgege satyp alǵan.

Naqty jetkіzіlіmderdіń bolmaýyn jasyrý úshіn kúdіktіler tozǵan taýarlyq-materıaldyq qundylyqtardy balansynan formaldy túrde esepten shyǵaryp, olardy іs júzіnde paıdalanýdy jalǵastyrǵan. Al esepten shyǵarylǵan múlіktіń ornyna alynýy tıіs jańa taýarlar múlde jetkіzіlmegen.

Nátıjesіnde memleketke 321 mln teńge kólemіnde zalal keltіrіlgen. Tergeý barysynda kúdіktіler keltіrіlgen shyǵynnyń 264 mln teńgesіn erіktі túrde ótegen.

Sot sanktsııasymen kúdіktіlerdіń múlkіne tyıym salyndy. Atap aıtqanda, tórt turǵyn úı, bіr avtokólіk jáne banktіk shottardaǵy 40 mln teńge kólemіndegі qarajat buǵattaldy.

Qylmystyq іs sottyń qaraýyna jіberіldі. QR Qylmystyq-protsestіk kodeksіnіń 201-babyna sáıkes ózge aqparat jarııa etіlmeıdі.