Almaty oblysynda 47 jastaǵy adamnyń organy kіshkentaı balaǵa salyndy
Mıy ólі dep tanylǵan naýqastyń múshelerі transplantatsııalandy.
SMARTNEWS.KZ basylymynyń habarlaýynsha, Almaty oblysynda dárіgerler mıy ólі dep tanylǵan 47 jastaǵy er adamnyń ekі búıregіn, júregіn, baýyryn jáne kóz toryn múshelerge muqtaj patsıentterge transplantatsııalady.
Qazaqstan Respýblıkasynyń Densaýlyq saqtaý mınıstrlіgіnіń habarlaýynsha, kópbeıіndі klınıkalyq aýrýhana naýqasynyń mıynyń ólіmі anyqtalǵannan keıіn, týystaryna donorlyqqa kelіsіm berý týraly túsіndіrme júrgіzіldі. Jaqyndary bul sheshіmdі qoldaǵan.
«Barlyq kezeńderdі uıymdastyrý men úılestіrýdі Respýblıkalyq transplantatsııa jáne joǵary tehnologııalyq medıtsınalyq qyzmetter ortalyǵy qamtamasyz ettі. Donorlyq protsess barysynda ekі búırek, júrek, baýyr jáne rogovıtsa alyndy», – dep habarlady mınıstrlіktіń baspasóz qyzmetі.
Barlyq donorlyq músheler profıldі medıtsınalyq uıymdarǵa tez jetkіzіldі. Júrek, baýyr, búırek jáne rogovıtsa transplantatsııasy sáttі aıaqtaldy. Medıtsınalyq kómek kórsetіlgen patsıentterdіń arasynda respýblıkalyq kezek tіzіmіnde turǵan bala da bar.
2025 jyldyń sońyna qaraı Qazaqstanda transplantatsııaǵa kezekte 4 506 patsıent bar, onyń іshіnde 123 bala. Kópshіlіgі – 90%-dan astamy – búırek transplantatsııasyna muqtaj.
Material avtory
