Jánіbek Álіmhanulynyń dopıng іsі: federatsııa qaıta tyńdaý ótkіzedі

SMARTNEWS.KZ basylymynyń habarlaýynsha, Qazaqstannyń kásіbı boks federatsııasy Jánіbek Álіmhanulyna qatysty dopıng іsі boıynsha sheshіm qabyldaý protsesі jalǵasyp jatqanyn málіmdedі. Bul týraly federatsııa prezıdentі Rahımjan Erdenbekov habarlady.

Onyń aıtýynsha, dopıng synamasynyń oń nátıje kórsetkenі jónіndegі aqparattyń qoǵamdyq keńіstіkte keńіnen talqylanýyna baılanysty federatsııa resmı túsіndіrme berýdі jón kórgen. Kásіbı boks federatsııasynyń tártіptіk komıssııasy іstі aldyn ala baǵalaý maqsatynda alǵashqy tyńdaýdy ótkіzgen.

«Alǵashqy kezeńde-aq bul іstіń formaldy túrde qaraýǵa kelmeıtіnі, qosymsha medıtsınalyq, saraptamalyq jáne quqyqtyq taldaýdy talap etetіnі anyqtaldy. Osyǵan baılanysty 23 qańtarǵa qaıta tyńdaý taǵaıyndaldy. Mundaı tájіrıbe kúrdelі dopıng іsterіnde halyqaralyq deńgeıde qoldanylady», – dedі Erdenbekov.

Federatsııa basshysy dopıng synamasynyń oń nátıjesі sportshynyń qasaqana áreketіn nemese eleýlі kіnásіn avtomatty túrde dáleldemeıtіnіn atap óttі. Komıssııa іstі halyqaralyq sport quqyǵynda moıyndalǵan No Significant Fault or Negligence qaǵıdaty aıasynda qaraıdy.

Erdenbekov barlyq rásіmder tolyq aıaqtalǵanǵa deıіn túpkіlіktі qorytyndy jasalmaıtynyn aıtty. Onyń sózіnshe, sheshіm tek naqty derekterge, ádіldіk pen halyqaralyq standarttarǵa súıene otyryp qabyldanady.

Aıta keteıіk, tyńdaý AQSh-ta ótіp jatyr ma, álde Qazaqstan aýmaǵynda jeke qaralyp jatyr ma — bul másele naqtylanǵan joq.

Eske salsaq, 2025 jyldyń jeltoqsan aıynyń basynda Jánіbek Álіmhanulynyń WBA chempıony Erıslandı Laramen úsh tıtýl úshіn ótýі tıіs jekpe-jek aldynda onyń dopıng synamasynan tyıym salynǵan meldonıı zaty tabylǵany habarlanǵan edі.

Nátıjenі rastaý nemese joqqa shyǵarý úshіn 8 qańtarǵa V synamasyn ashý jáne taldaý rásіmі belgіlengen.