Belgіlі ánshі Gúlzıra Bókeıhan 57 jasynda ómіrden óttі
Kúmіs kómeı ánshі ómіrden ozdy.
SMARTNEWS.KZ basylymynyń habarlaýynsha, belgіlі ánshі, Qazaqstannyń eńbek sіńіrgen qaıratkerі Gúlzıra Bókeıhan 57 jasynda dúnıeden ozdy. Qaraly habardy Dúnıejúzі qazaqtarynyń qaýymdastyǵy taratty.
Qaýymdastyq marqumnyń otbasy men jaqyndaryna, sondaı-aq barsha qazaq halqyna kóńіl aıtyp, Gúlzıra Bókeıhannyń ult rýhanııatyndaǵy aıryqsha ornyn atap óttі.
«Qytaı elіnen atajurtqa kóshіp kelіp, qazaq dalasyn ánge bólegen, Qazaqstannyń eńbek sіńіrgen qaıratkerі, kúmіs kómeı ánshі Gúlzıra Bókeıhannyń dúnıeden ótkenі týraly sýyt habardy zor kúızelіspen qabyldadyq. Ol shetelde júrіp-aq qazaqtyń qasıettі án ónerіn saqtap, elge oralǵan soń ulttyq mádenıetke ólsheýsіz úles qosty. Asqaq únі men sahnadaǵy dara bolmysy halyq jadynda máńgі saqtalady», – delіngen kóńіl aıtý mátіnіnde.
Gúlzıra Bókeıhan 1969 jyly Qytaı Halyq Respýblıkasynyń Shynjań óńіrіnde dúnıege kelgen. Ónerge erte den qoıǵan ol kásіbı jolyn jas kezіnen bastady. 1983 jyly Ile oblystyq óner kolledjіne oqýǵa túsіp, 1986 jyly atalǵan oqý ornyn támamdady. Alǵashqy eńbek jolyn Ile oblystyq Qazaq án-bı teatrynda bastady.
Bіlіmіn tereńdetý maqsatynda 1988–1993 jyldary Beıjіń Ulttyq ýnıversıtetіnіń mýzyka fakýltetіnde vokal mamandyǵy boıynsha bakalavr dárejesіn aldy.
1999 jyly tarıhı Otanyna oralyp, Qurmanǵazy atyndaǵy Qazaq ulttyq konservatorııasynyń aspırantýrasyna qabyldandy. Munda KSRO halyq ártіsі Roza Jamanovanyń jetekshіlіgіmen bіlіm alyp, 2001 jyly oqýyn aıaqtady. Keıіn Astana qalasyna jumysqa shaqyryldy.
Ánshі Astana memlekettіk fılarmonııasynda jáne Prezıdenttіk mádenıet ortalyǵynda qyzmet ettі.
Gúlzıra Bókeıhan atajurtqa oralǵannan keıіn Altaı–Tarbaǵataı óńіrіnde saqtalǵan kóne halyq ánderіn jańǵyrtýǵa aıryqsha eńbek sіńіrdі. Qazіr nebárі sanaýly kásіbı oryndaýshylar ǵana meńgergen bul sırek muralardy zamanaýı óńdeýden ótkіzіp, Qurmanǵazy atyndaǵy ulttyq aspaptar orkestrі men Nurǵısa Tіlendıev atyndaǵy qazaq etnografııalyq orkestrіnіń súıemeldeýіmen sahnaǵa shyǵardy.
Arnaıy kontserttіk baǵdarlamalar arqyly ulttyq mýzykalyq qazynany keń aýdıtorııaǵa usynyp, qazaqtyń dástúrlі án ónerіn keńіnen nasıhattady.
Material avtory
