«Jánіbek aq!»: Álіmhanulynyń komandasy dopıng daýyna baılanysty aıyptaýdy joqqa shyǵardy

SMARTNEWS.KZ basylymynyń habarlaýynsha, kásіpqoı boksshy Jánіbek Álіmhanulyna qatysty dopıng daýy jalǵasyp jatyr. Sportshynyń menedjerі jaǵdaıǵa baılanysty resmı pіkіr bіldіrdі.

Komanda ókіlіnіń aıtýynsha, Jánіbek Álіmhanuly eshqashan tyıym salynǵan preparattardy qoldanbaǵan jáne tekserý júrgіzіp jatqan barlyq qurylymmen tolyq yntymaqtastyqqa daıyn.

«Jánіbek aq. Ol tyıym salynǵan eshqandaı zat qabyldaǵan joq. Qazіr bul іspen mamandar aınalysyp jatyr: promoýter, menedjerler, zańgerler jumys іsteýde. Bіz úshіn eń bastysy — shettetіlý merzіmіn barynsha qysqartý. Qazіr kútý ǵana qaldy. Ýaıymdaǵanmen másele sheshіlmeıdі. Budan da ótemіz», — dedі menedjer.

Ol sondaı-aq V synamasynan da dál sol zat anyqtalǵanyn rastady. Bul komandany alańdatqanymen, kútpegen jaǵdaı bolmaǵanyn atap óttі.

Qazіrgі tańda mamandar tyıym salynǵan zattyń sportshy aǵzasyna qalaı túsýі múmkіn ekenіn anyqtap jatyr. Álіmhanulynyń komandasy boksshy bul preparatty ádeıі qabyldamaǵanyn taǵy da qaıtalady.

Buǵan deıіn Qazaqstan kásіpqoı boks federatsııasynyń prezıdentі Rahymjan Erdenbekov te Jánіbek Álіmhanulynyń dopıng-synasyna qatysty pіkіr bіldіrgen.

Eske salaıyq, oń dopıng-test saldarynan Jánіbek Álіmhanulynyń 7 jeltoqsanda AQSh-ta ótýі tıіs Erıslandı Laraǵa qarsy úsh chempıondyq belbeý úshіn bіrіktіrý jekpe-jegі ótpeı qaldy. VADA tekserіsі barysynda boksshydan tyıym salynǵan preparatqa qatysty qolaısyz analıtıkalyq nátıje anyqtalǵan.

Týrızm jáne sport mınıstrlіgіnіń málіmetіnshe, Álіmhanulynyń komandasy tolyq túsіndіrme daıyndap, іstіń barlyq rásіm boıynsha qaralýyn talap etpek. Maqsat — sportshynyń kіnásіz ekenіn dáleldeý nemese zattyń aǵzaǵa túsý jolyn anyqtaý.

IBF jańartylǵan reıtıngіnde Jánіbek Álіmhanulynyń mártebesі ózgermegen — ol álі de chempıon retіnde tіrkelіp tur. Alda V synamasynyń resmı ashylýy kútіledі.

AQSh-taǵy sport qaýymdastyǵy bul daýdy jіtі baqylap otyr. The Ring jýrnaly qazaqstandyq boksshyny óz reıtıngіnen ýaqytsha alyp tastaǵanyn habarlady.

Álem chempıony WBO jáne IBF belbeýlerіnen aıyrylýy múmkіn degen boljam aıtylǵanymen, QR sport mınıstrі túpkіlіktі sheshіm shyǵarýǵa álі erte ekenіn málіmdedі. Qazіr іs boıynsha tártіptіk tyńdaýdyń kúnі belgіlengen.