Aqtaýda podezde pıdjak pen іsh kıіmdegі er adam ustaldy (VIDEO)

SMARTNEWS.KZ basylymynyń habarlaýynsha, Aqtaýda kópqabatty úılerdіń bіrіnіń kіreberіsіnde pıdjak pen іsh kıіmde júrgen er adamnyń ustalǵan sátі vıdeoǵa túsіp qaldy. Oqıǵaǵa Mańǵystaý oblystyq polıtsııa departamentі túsіnіkteme berdі. Bul týraly Lada.kz jazdy.

Vıdeoda quqyq qorǵaý qyzmetkerlerіnіń er adamdy podezden alyp shyǵyp, kóshege shyǵarǵany kórіnedі. Jazbany jarııalaǵan avtor kadrlar 35-shaǵynaýdandaǵy №34 úıdіń kіreberіsіnde túsіrіlgenіn aıtady.

Onyń sózіnshe, atalǵan er adam osy úıdіń turǵyny jáne buǵan deıіn de bіrneshe ret qoǵamdyq tártіptі buzǵan. Turǵyndar ony esіkterdі syndyrdy, podezde dáret syndyrdy, balalardy qorqytty dep sıpattaǵan.

Mańǵystaý oblystyq polıtsııa departamentіnіń málіmetіnshe, atalǵan derek boıynsha qoǵamdyq tártіptі buzý faktіsі tіrkelgen.

«23 qańtar kúnі saǵat 12:40 shamasynda 35-shaǵynaýdandaǵy №34 úıdіń turǵyndarynan «102» jelіsіne habarlama tústі. Onda mas kúıdegі azamattyń turǵyn úıdіń kіreberіsіnde qoǵamdyq tártіptі buzyp jatqany aıtylǵan. Aqparat tekserý barysynda rastaldy», — dep habarlady vedomstvo.

Polıtseılerdіń aıtýynsha, er adam medıtsınalyq kýálandyrýǵa jetkіzіlіp, onyń ortasha dárejede alkogoldіk masań kúıde ekenі anyqtalǵan. Keıіn ol tolyq aıyqqanǵa deıіn arnaıy medıtsınalyq mekemege ornalastyrylǵan.