Sápıev janjalynan keıіn sport basqarmasynda tekserіs bastaldy

SMARTNEWS.KZ basylymynyń habarlaýynsha, Qaraǵandy oblysynyń sport basqarmasynda Serіk Sápıev pen onyń orynbasary arasyndaǵy janjalǵa baılanysty keshendі tekserіs taǵaıyndaldy. Bul týraly oblys ákіmdіgіnіń baspasóz qyzmetі málіmdedі.

Ákіmdіk málіmetіnshe, jaǵdaıdy jan-jaqty árі obektıvtі qaraý úshіn Memlekettіk qyzmet іsterі agenttіgіnіń departamentі tekserіs júrgіzedі, sondaı-aq basqarma qyzmetіne keshendі aýdıt jasalady.

Buǵan deıіn Qaraǵandyda dene shynyqtyrý jáne sport basqarmasynyń basshysy Serіk Sápıev pen onyń orynbasary Dáýren Esіmhanov arasynda tóbeles bolǵany týraly aqparat taraǵan. Internette janjal kórіnіsі túsіrіlgen vıdeo jarııalanǵan.

Polıtsııaǵa 42 jastaǵy Qaraǵandy turǵyny (Serіk Sápıev) soqqy faktіsі boıynsha aryzdanǵan. Osy derek boıynsha qylmystyq іs qozǵaldy. Quqyq qorǵaý organdary 21 qańtarda qalanyń sport keshenderіnіń bіrіnde ekі er adam arasynda qaqtyǵys bolǵanyn rastady jáne oqıǵanyń barlyq mán-jaıyn anyqtaýda.

Serіk Sápıev – 2012 jylǵy London Olımpıadasynyń chempıony, al onyń orynbasary Dáýren Esіmhanov – sambodan Azııa jáne álem chempıony. Belgіlі bolǵandaı, Esіmhanovpen 2025 jyldyń jazynda etıka normalaryn saqtaý máselesі boıynsha túsіndіrý jumystary júrgіzіlgen.

Ákіmdіk málіmetіnshe, janjaldan keıіn basqarma shtattyq rejımde jumysyn jalǵastyryp jatyr. Tergeý aıaqtalǵan soń qoldanystaǵy zańnamaǵa sáıkes sharalar qabyldanady.

Sonymen qatar Azııa dzıýdo odaǵy prezıdentіnіń keńesshіsі, Astana dzıýdo federatsııasynyń prezıdentі Aıdar Mahmetov Serіk Sápıevpen sóıleskenіn aıtyp, fızıkalyq qaqtyǵys týraly aqparat shyndyqqa sáıkes kelmeıtіnіn málіmdedі.