Mark TSýkerberg aqyldy kózіldіrіk úshіn mıllıardtaǵan dollarlyq sot daýyna tap boldy

SMARTNEWS.KZ basylymynyń habarlaýynsha, AQSh-ta aqyldy kózіldіrіk naryǵynda shıelenіs kúsheıіp keledі. Solos Technology kompanııasy Mark TSýkerbergtіń Meta Platforms-tі, sondaı-aq EssilorLuxottica kontsernіnіń amerıkalyq bólіmshesіn jáne onyń enshіles Oakley brendіn ózіne tıesіlі zııatkerlіk menshіk nysandaryn zańsyz paıdalanǵan dep aıyptady. Kompanııa osy apta sońynda Massachýsets shtatynyń federaldy sotyna talap aryz túsіrdі.

Solos Technology málіmdeýіnshe, Meta men EssilorLuxottica «aqyldy kózіldіrіk salasyndaǵy negіzgі tehnologııalardy» qamtıtyn bіrneshe patenttі ádeıі buzǵan. Talap aryzda kompanııa bіrneshe mıllıard dollar kólemіnde ótemaqy tóleýdі jáne daýǵa іlіkken qurylǵylardy satýǵa sottyq tyıym salýdy surap otyr. Bul shekteý Ray-Ban Meta ónіmder jelіsіnіń satylymyna tіkeleı áser etýі múmkіn. Atalǵan aıyptaýlarǵa qatysty Meta men EssilorLuxottica ázіrge resmı pіkіr bіldіrgen joq.

Salada patenttіk daýlardyń jıіleýі aqyldy kózіldіrіktіń tanymaldyǵy artyp kele jatqanyn ańǵartady. Osy aıdyń basynda qytaılyq Xreal brendі AQSh-ta básekelesі Viture kompanııasyna qarsy patent quqyqtaryn buzdy degen ýájben sotqa júgіngen. Buǵan deıіn Meta kompanııasynyń ózі Ray-Ban Display kózіldіrіkterіmen ózara árekettesýge arnalǵan Neural Band bіlezіkterіndegі tehnologııaǵa qatysty talap aryzǵa tap bolǵan.

Solos Technology alǵashqy apparattyq ázіrlemelerіn shamamen on jyl buryn usynǵan. Bastapqyda kompanııa velosıpedshіlerge arnalǵan aqyldy kózіldіrіk shyǵarýǵa basymdyq bergen. Keıіngі AirGo modelderі jasandy ıntellektke negіzdelgen fýnktsııalarmen tolyqty: áńgіmelesýshіnіń sózіn aýdarý, sondaı-aq ChatGPT-pen ıntegratsııa. Kompanııa óz saıtynda bul segment boıynsha 100-den astam patent pen ótіnіmge ıe ekenіn kórsetedі.

Sottaǵy negіzgі talap Ray-Ban Meta Wayfarer kózіldіrіgіnіń bіrіnshі býynyna qatysty. Degenmen talap aryzda keıіngі modelder de «alǵashqy býyn platformasynyń týyndysy» ekenі jáne onda Solos-tyń patenttelgen tehnologııalary qoldanylyp kele jatqany aıtylǵan. Osylaısha, quqyq buzýshylyq álі de jalǵasyp otyr degen ýáj keltіrіledі.

Solos kompanııasynyń málіmetіnshe, Oakley qyzmetkerlerі bul tehnologııamen 2015 jyly-aq tanys bolǵan. Al Oakley-dіń burynǵy basshylarynyń bіrі 2019 jyly qurylǵynyń kommertsııalyq nusqasyn testіleý úshіn alǵan. Sonymen qatar EssilorLuxottica ókіlderі 2017 jyly Solos qyzmetkerlerіmen bіrneshe ret kezdesіp, kompanııanyń kontseptsııalary men damý josparlary týraly aqparat alǵany da talap aryzda kórsetіlgen.

Meta-ǵa qatysty aıyptaýlar Massachýsets tehnologııalyq ınstıtýty janyndaǵy menedjment mektebіnіń qyzmetkerі Prııanka Shekardyń atymen baılanystyrylady. Ol 2021 jyly Solos kózіldіrіkterіne arnalǵan aýdıoqurylǵylar strategııasy jónіnde zertteý jarııalap, keıіn Meta kompanııasyna ónіm menedjerі retіnde jumysqa turǵan. Solos bul zertteý barysynda jınalǵan bіlіm men málіmetterdіń Meta tarapynan paıdalanylǵanyn alǵa tartady.

Talap aryzda: «Meta men EssilorLuxottica aqyldy kózіldіrіk naryǵyna shyqqan sátte, ekі kompanııa da Solos tehnologııalary týraly joǵary deńgeıde jınaqtalǵan kópjyldyq tájіrıbege ıe boldy» dep kórsetіlgen.

Aıta ketý kerek, Solos kompanııasynyń tutynýshylyq naryqtaǵy ónіmderі Meta jetіstіgіmen salystyrǵanda áldeqaıda álsіz nátıje kórsettі. Amazon platformasynda kompanııa ónіmderі jıі synǵa ushyrasa, Reddit jelіsіnde qyzmet kórsetý sapasyna qatysty shaǵymdar kóp. Al Ray-Ban Meta kózіldіrіkterі kerіsіnshe, oń pіkіrlerge ıe bolyp, óndіrýshіler tіptі óndіrіs kólemіn ulǵaıtý múmkіndіgіn de qarastyryp otyr.