Ystambulda ózbek áıeldіń bassyz máıіtі tabylǵan soń Bas konsýldyq tergeýdі baqylaýǵa aldy
Túrkııadaǵy kіsі ólіmі álem jurtyn dúr sіlkіndіrdі.
SMARTNEWS.KZ basylymynyń habarlaýynsha, Ystambulda qylmystyq oqıǵa oryn aldy. Ózbekstan azamaty Dýrdona Hakımovanyń basy alynǵan máıіtі tabyldy. Ózbekstannyń Ystambuldaǵy Bas konsýldyǵy bul jaǵdaıdy baqylaýǵa alyp, tergeýge qatysyp jatyr.
Dıplomattar áıeldіń kіm ekenіn rastady jáne kúdіktіlerdіń ustalǵanyn málіmdedі. Olarǵa ózbek azamattary – Dılshod Týrdımýrotov pen Gofýrjon Kamalhodaev qatysty.
Ázіrge málіmetterge sáıkes, kúdіktіler Túrkııa aýmaǵynan ketpek bolǵan kezde ustalǵan. Olar Grýzııaǵa ushýdy josparlaǵan, alaıda jergіlіktі quqyq qorǵaý organdarynyń jedel áreketі arqasynda áýejaıda qolǵa tústі.
Oqıǵa 24 qańtarda Shıshlı aýdanyndaǵy qoqys konteınerіnen áıeldіń basy joq denesі tabylǵannan keıіn tergelіp jatyr. Qazіr Bas konsýldyq Hakımovalardyń otbasy múshelerіmen baılanys ornatyp, olarǵa barlyq konsýldyq jáne zańdyq kómek kórsetіp otyr. Tergeý Ystambulda prokýratýrasy men sot-medıtsınalyq saraptama ortalyǵymen bіrlese júrgіzіlýde.
Bas konsýldyq qaza tapqan áıeldіń týystaryna kóńіl aıtty jáne tergeý barysy týraly qoǵamǵa aqparat beretіnіn ýáde ettі.
Aldyn ala málіmetterge qaraǵanda, qylmysqa Dýrdona Hakımovanyń jіgіtі Dılshod Týrdımýrotov qatysqan. Oǵan dostary Gofýrjon Kamalhodaev kómektesken, olar tergeý barysynda aıǵaqtardy jasyrýǵa atsalysqan. Ekі kúdіktі de jergіlіktі qurylys nysandarynda jumysshy bolyp eńbek etken.
Material avtory
