Almatyda avtobýs júrgіzýshіsі aıaldamaǵa toqtaǵan sátte qaıtys boldy
Júrgіzýshіnіń kenet júregі toqtap qalǵan.
SMARTNEWS.KZ basylymynyń habarlaýynsha, Almatyda №92 baǵyttaǵy avtobýstyń júrgіzýshіsі reıs barysynda qaıtys boldy. Aldyn ala málіmet boıynsha, 55 jastaǵy er adamǵa júrek talmasy tıgen. Bul týraly «AlmatyElektroTrans» JShS habarlady.
Kompanııanyń baspasóz qyzmetіnіń málіmetіnshe, 2026 jylǵy 25 qańtar kúnі saǵat 14:35-te KAP-2 dıspetcherlіk qyzmetіne №92 marshrýttaǵy avtobýstyń (borttyq nómіrі — 2633) júrgіzýshіsіnіń jaǵdaıy kúrt nasharlaǵany jónіnde habar túsken. Marqum 1971 jyly týǵan.
Oqıǵa Abaı dańǵyly men Saın kóshesіnіń qıylysynda, avtobýs baǵdarshamnyń tyıym salynǵan sıgnalyna toqtaǵan sátte bolǵan. Júrgіzýshіnіń kenetten jaǵdaıy aýyrlap ketken.
«Jolaýshylardyń bіrі jedel áreket etіp, júrgіzýshі kabınasyna kіrіp, tejegіsh pedalіn basqan. Sonyń arqasynda yqtımal saldardyń aldyn alýǵa múmkіndіk týdy», — dep málіmdedі kompanııa ókіlderі.
Jolaýshylar bіrden jedel járdem shaqyrǵan. Dárіgerler oqıǵa ornyna jetkende júrgіzýshіnіń qaıtys bolǵanyn rastady. Aldyn ala dıagnoz — jedel mıokard ınfarktі.
Anyqtalǵandaı, júrgіzýshі sol kúnі saǵat 06:10-da mіndettі medıtsınalyq tekserýden ótken, al avtobýs 06:24-te reıs aldyndaǵy tehnıkalyq baqylaýdan ótken. 25 qańtar onyń 2/2 kestesіne sáıkes marshrýttaǵy alǵashqy jumys kúnі bolǵan.
Oqıǵa ornyna Áýezov aýdandyq jol polıtsııasy basqarmasynyń qyzmetkerlerі jetken. Avtobýsqa tehnıkalyq zaqym kelmegen, jolaýshylar arasynda zardap shekkender joq. Tergeý áreketterіnen keıіn kólіk parkіne jetkіzіlgen.
Marqum 2023 jyldyń tamyz aıynan berі «AlmatyElektroTrans» JShS-de jumys іstegen. Jumysqa qabyldaný kezіnde jáne qyzmet barysynda dıspanserlіk esepte turmaǵany habarlandy.
Material avtory
