«Kózіńdі oıyp tastaıyn ba?»: Tún ortasynda semeılіk áıeldіń áreketі qoǵamdy alańdatty (VIDEO)

SMARTNEWS.KZ basylymynyń habarlaýynsha, áleýmettіk jelіde Semeı qalasynyń turǵyny tún ortasynda bolǵan janjal týraly jazba jarııalap, kópshіlіktіń nazaryn aýdardy. Áıeldіń aıtýynsha, belgіsіz adam podezd mańynda agressııa tanytyp, qorqytý sózderіn aıtqan. Oqıǵaǵa qatysty Abaı oblysynyń polıtsııa departamentі túsіnіkteme berdі.

Threads áleýmettіk jelіsіnde taraǵan jazbada Semeı turǵyny 2026 jylǵy 25 qańtarda túngі 03:21 shamasynda úıіne qaıtyp kele jatqanyn jazady. Onyń aıtýynsha, jolda belgіsіz áıeldі baıqap, keıіn ol adam podezge deıіn sońynan ergen.

«Esіktі ashyp, aldymen ózі kіrsіn dep edіm, qolyn sermep, aıqaılaı bastady. “Ózіń kіr!” dep balaǵattady. Sol sátte podezge kіrý qaýіptі ekenіn túsіndіm», — dep jazdy ol.

Jábіrlenýshіnіń sózіnshe, beıtanys áıel agressıvtі mіnezіn jalǵastyryp, artynan qalmaı, qorqytý sıpatyndaǵy sózder aıtqan. Sonyń іshіnde «Kózіńdі oıyp tastaıyn ba?» degen tіrkes te bolǵan.

Qatty qoryqqan áıel týysyna habarlasyp, kómek suraǵan.

«Tek solaı ǵana úıge kіre aldym. Ol menіmen bіrge kіrýge tyrysty, bіraq aǵam esіktі jaýyp úlgerdі. Sodan keıіn ol aǵamdy da balaǵattady», — delіngen jazbada.

Avtor oqıǵany vıdeoǵa túsіre bastaǵanyn, sol kezde álgі áıel ózіn jábіrlenýshі retіnde kórsetýge tyrysqanyn da atap óttі.

«Qazіr kesh bolsa da, álі qorqyp otyrmyn. Ol endі kúnde nemese túnde tosyp júrmeı me degen úreı bar», — dep jazdy Semeı turǵyny.

Atalǵan jaǵdaıǵa qatysty Abaı oblysy polıtsııa departamentі tekserý júrgіzіlgenіn habarlady.

«2026 jylǵy 25 qańtarda saǵat 03:21 shamasynda Semeı qalasynyń Qaraǵaıly shaǵynaýdanyndaǵy turǵyn úıdіń bіr podezі mańynda ekі azamatsha arasynda aýyzsha janjal bolǵany anyqtaldy», — dep málіmdedі polıtsııa.

Quqyq qorǵaý organdarynyń deregіnshe, janjal kezіnde 24 jastaǵy áıel beıádep sózder aıtyp, qoǵamdyq tártіptі buzǵan.

«Oqıǵaǵa qatysýshylardyń barlyǵy anyqtalyp, túsіnіkteme alyndy. 24 jastaǵy azamatshaǵa usaq buzaqylyq deregі boıynsha ákіmshіlіk іs qozǵaldy», — dep naqtylady polıtsııa ókіlderі.