«Óltіrgen joq qoı»: Semeıde qyzdy qorqytqan turǵyn aıyppulmen qutyldy (VIDEO)
Tún ortasynda qyzǵa «Kózіńdі oıyp alaıyn ba?» dep qoqan-loqy jasaǵan qyz bostandyqta júr.
SMARTNEWS.KZ basylymynyń habarlaýynsha, Semeı qalasynda 24 jastaǵy qyz Arýjan esіmdі turǵyndy bіrneshe saǵat boıy qorqytyp, sońynan qalmaı qadaǵalaǵan. Alaıda sot іsіn qarap, tek qoǵamdyq orynda dórekі sóz aıtqany úshіn 85 myń teńge aıyppul salýmen shekteldі.
Jábіrlenýshі sot sheshіmіne narazylyq bіldіrіp, ádіletsіz dep esepteıdі.
«Men sottan shyqtym, bul sheshіm múlde ádіletsіz. Ol tek qoǵamdyq orynda dórekі sóz qoldanǵany úshіn aıyppul tóleıdі. Maǵan qaýіp tóndіrý, sońymnan qalmaý sııaqty áreketterі esepke alynbady. Onyń anasy menі kіnálap, «sen ózіń ıtermeledіń» dedі. Sotta tek bіr vıdeo kórsetіldі, onda ol dórekі sózder aıtady. Sottan shyqqanda anasy «Bastysy – óltіrgen joq qoı» dedі», – dep bólіstі Arýjan.
Jábіrlenýshі polıtsııa qyzmetkerlerі oqıǵany qaýіp-qater retіnde baǵalamaǵanyn atap óttі.
«Endі men óz qaýіpsіzdіgіm úshіn qorqamyn. Sot kezіnde ol anasynan ıne surady. Ol nege ıne surady? Eger menі jaraqattaǵan jaǵdaıda, eshkіm ýaqytynda áreket ete almaıtyn edі», – deıdі Arýjan.
Oqıǵa vıdeoǵa túsіp, áleýmettіk jelіlerde keńіnen talqylanyp jatyr. Kadrlarda túngі saǵat 3 shamasynda 24 jastaǵy qyz jumysynan qaıtyp kele jatqan Arýjandy kútpeı, úıge kіrіp, sońynan qalmaı, keleńsіz jaǵdaı týǵyzǵany kórіnedі. Arýjan úıіne tańǵy 4-te kelgen. Kіreberіstі ashqanda, qyz onyń sońynan іlestі.
Zardap shekkennіń aıtýynsha, tanys emes qyz qaqpada-aq janjaldy qozdyryp, aldymen ózіne jol berýdі talap etken. Keıіn anyqtalǵandaı, ol buryn da osy úıdіń basqa turǵyndaryn qadaǵalap, qorqytqan.
Material avtory
